Neste 2024, o Goberno autonómico impulsou tamén na cidade herculina os concertos de Emilia, Camilo, Robe e Luis Miguel e antes de que remate o ano actuarán Sara Baras, Raphael e Rod Stewart
A Xunta de Galicia da un novo pulo á súa estratexia de potenciar as cidades galegas como sede de grandes eventos musicais. Nesta ocasión, será A Coruña a que acolla o vindeiro 18 de maio o concerto de Chayanne coa súa xira ‘Bailemos unha vez máis’.
O Coliseum será o escenario da única cita musical do cantante en Galicia e a prevenda comezará o 25 e novembro para quen se rexistre en Chayanne.es mentres que a venda xeral será a partir do 27 de novembro en entradas.com
O cantante portorriqueño volve á escena musical tras cinco anos de ausencia e catorce anos sen visitar España. Considerado como un referente da música latina, Chayanne deslumbra en cada actuación con toda a súa enerxía proporcionado un espectáculo que o reafirma aínda máis como figura internacional.
Con este espectáculo, promovido por Primer Beat Producción co apoio de Turismo de Galicia, a Xunta suma un novo atractivo musical á promoción do turismo urbano que xa levou á Coruña nos últimos meses a artistas como Emilia, Camilo, Robe e Luis Miguel, na súa intención de encher a oferta turística da cidade herculina con espectáculos musicais.
De xeito paralelo, o ciclo A Coruña Sounds, no marco de Gozo Festival acollerá antes de que remate este ano o concerto de Rod Stewart e esta mesma semana. Tamén están por celebrarse outros espectáculos como o de Sara Baras, este mesmo sábado, ou Raphael, o 30 de novembro.
