Home A Coruña A Xunta licita por preto de 73.000 euros a restauración do retablo...

A Xunta licita por preto de 73.000 euros a restauración do retablo maior da Igrexa de Santiago de Pontedeume

- Anuncio -

A actuación prevista ten por obxectivo resolver as patoloxías detectadas no retablo para garantir a súa conservación
O delegado territorial da Xunta na Coruña, Gonzalo Trenor, visitou a Igrexa de Santiago en Pontedeume para anunciar que a Xunta de Galicia licitará hoxe mesmo a restauración do seu retablo maior. Esta actuación conta cun orzamento de preto de 73.000 euros e ten por obxectivo resolver as patoloxías detectadas no retablo para garantir a súa conservación.
O templo −queA se atopa no Camiño Inglés− está protexido polo seu valor cultural ao estar incluído no catálogo de protección do PXOM. Así mesmo faise mención ao seu valor cultural na declaración da comarca eumesa como conxunto histórico. A actuación prevista encádrase dentro da aposta das competencias da Consellería de Cultura, Educación e Universidade por conservar o patrimonio cultural de Galicia.
As principais actuacións consistirán na limpeza e recuperación da imaxe de Santiago Sedente e o sagrario, na adecuación da zona do sagrario antedita para continuar a lectura do banco pétreo (axuste dos sillares en relación co banco existente, encintados con morteiro de cal), na limpeza da superficie, no reforzo dos elementos metálicos e ancoraxes, tratamentos na estrutura, na restauración dos lenzos, na limpeza de vernices oxidados, nos repintes puntuais e reintegración cromática e na realización dun fondo e unha cruz para a desaparecida fornela central, co obxecto de recuperar unha lectura unitaria do conxunto.
A igrexa de Santiago da súa traza orixinal só se conserva a capela maior, edificada en 1538, por encargo de Fernando de Andrade e Pérez das Mariñas. Debido a un incendio no tempo foi reconstruído no século XVIII, baixo o mandato do arcebispo Raxoi. Caracterízase por contar cunha gran bóveda estrelada.

Para poder desenvolver estes traballos a Consellería de Cultura, Educación e Universidade, asinou un convenio de colaboración coa Arquidiocese de Santiago de Compostela para a posta a disposición dos terreos e inmobles necesarios para a execución das actuacións de conservación e restauración en varios inmobles eclesiásticos en toda Galicia.

Relacionadas

O servizo de axuda no fogar atendeu o ano pasado a 395 veciños e...

0
Entre dependencia e libre concorrencia prestáronse 74.566,59 horas de SAF, que tiveron un custe total de 1,6 millóns de eurosO servizo municipal de axuda...

O Concello da Pobra colabora no proxecto ESCLIMATIC que mide o impacto do cambio...

0
A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación...

Comeza a repoboación da Carballeira de Santa Minia coa plantación de oito novos exemplares

0
Procedentes dun viveiro de Abadín, as novas árbores teñen uns tres metros de altura e están perfectamente equilibrados entre copa e raíz, para facilitar...

O percebe de Aguiño celebra unha nova edición coincidindo co 100 aniversario da Cofradía

0
Os edís Vicente Mariño, Fernando Abraldes, Francisco Suárez-Puerta e Antía Alberte presentaron hoxe a Festa do Percebe de Aguiño xunto a Manuel Ángel Reiriz,...

O Concello de Boqueixón abre o prazo para solicitar as axudas de 400 euros...

0
As familias das crianzas nadas, acollidas ou adoptadas entre o 1 de xaneiro e o 26 de marzo teñen ata o 10 de abril...

O pleno votará a aprobación definitiva do Plan Parcial AR-S1 que pretende a creación...

0
A promotora tamén solicitou o cambio de sistema de actuación de compensación a concerto. Dous dos asuntos que serán elevados á sesión ordinaria do Pleno...

Publicacións Relacionadas