Home Xunta de Galicia A Xunta pon en valor a implicación das oficinas de atención ás...

A Xunta pon en valor a implicación das oficinas de atención ás vítimas na loita contra o acoso e ciberacoso escolar

- Anuncio -

― O director xeral de Xustiza, José Tronchoni, expuxo hoxe no evento ‘Xustiza dos coidados’ previo á conferencia sectorial da Administración de Xustiza as medidas da Xunta incluídas no ‘Plan Integral contra o Acoso e o Ciberacoso’


― As oficinas de atención ás vítimas inclúense como recurso dispoñible nos Puntos Laranxa que o Goberno galego está a distribuír para facilitar ao alumnado a comunicación destes casos

O director xeral de Xustiza, José Tronchoni, explicou hoxe en Palencia no evento ´Xustiza dos coidados´ a implicación das oficinas de atención ás vítimas (OAV) no Plan integral contra o acoso e o ciberacoso escolar impulsado pola Consellería de Cultura, Educación, FP e Universidades co obxectivo de previr, detectar e erradicar estes casos e prestar ás vítimas o apoio emocional que precisan desde o primeiro momento. Nesta liña, destacou a implicación das OAV na difusión do plan entre os órganos xudiciais.

No evento desta tarde, previo á Conferencia sectorial da Administración de Xustiza de mañá, presentáronse as iniciativas impulsadas polas comunidades coas competencias transferidas en materia de xustiza en materia da xustiza dos coidados. En concreto, trátase de poñer en común medidas relacionadas coa accesibilidade tanto física como noutros niveles por parte da cidadanía aos servizos xudiciais, sobre todo no caso das persoas con maior vulnerabilidade.

Na súa exposición, José Tronchoni explicou que ao abeiro do Plan integral contra o acoso e o ciberacoso escolar, a Xunta está a distribuír en centros educativos, espazos xoves e residencias xuvenís e de estudantes de toda Galicia máis dun milleiro de Puntos Laranxas.

Estes puntos contan cunha imaxe común e uniforme para que sexan perfectamente identificados e accesibles polo alumnado. Funcionan a modo de caixa de correo na que o alumnado pode comunicar ou denunciar, desde o anonimato, posibles situacións de acoso ou ciberacoso que sufran na súa persoa ou en terceiros. Ademais do formato físico, contan cunha versión virtual a través das webs de cada un dos centros educativos.
No que se refire á implicación das oficinas de atención ás vítimas neste eido, prevese a dotación de persoal especializado, a formación en materia de vítimas menores e a inclusión destes organismos como recurso dispoñible nos Puntos Laranxas. Ademais, na cartelería e dípticos dirixidos ao abeiro deste plan a máis de 1.300 centros educativos da comunidade, informase sobre as funcións, as fases de actuación e a maneira de contactar coas OAV.
Ademais, co obxectivo de que o profesorado coñeza o funcionamento destas oficinas e como deben atender e derivar a estes organismos ás vítimas e familiares cando se detecte unha situación de acoso ou ciberacoso escolar, organizaranse seminarios para o persoal docente en colaboración coa Consellería de Cultura, Educación, FP e Universidades e impartidos polo propio persoal das OAV.
O director xeral de Xustiza lembrou o traballo realizado pola Xunta na consolidación do modelo de atención asistencial a través das Oficinas de Atención ás Vítimas no ámbito da xustiza. Este sistema inclúe a intervención psicolóxica na que os profesionais da psicoloxía e de traballo social levan a cabo unha atención individualizada da vítima co obxectivo de posteriormente aplicar medidas de protección necesarias que minimicen os trastornos psicolóxicos e propoñer outras que garantan a protección da vítima durante todo o proceso xudicial.
O Goberno galego mantén o compromiso para dotar ás OAV dos medios persoais precisos, ademais de reforzar a formación dos profesionais que traballan nelas. Tamén se aprobou o ano pasado o protocolo de actuación sobre o seu funcionamento destas oficinas coa finalidade de prestar unha asistencia integral, coordinada e especializada ás vítimas como consecuencia do delito, con especial fincapé nas vítimas de violencia de xénero e outras vítimas especialmente vulnerables como os menores de idade ou as persoas de idade avanzada.

Relacionadas

A Xunta organiza unha xornda técnica sobre o benestar laboral no marco unha empresa...

0
― O Instituto de Seguridade e Saúde Laboral de Galicia (Issga) celebrou esta semana esta xornada que dá comezo aos actos organizados co gallo...

Diego Calvo, acompañado do director xeral de Xustiza, José Tronchoni, asistiu na sede do...

0
O conselleiro de Presidencia, Xustiza e Deportes, Diego Calvo, acompañado do director xeral de Xustiza, José Tronchoni, asistiu esta mañá na sede do Tribunal...

A Xunta investirá máis de 7,5 millóns de euros na retirada dos residuos da...

0
— Ángeles Vázquez explicou que as actuacións previas comezarán a próxima semana e que as obras de escavación e extracción do material para o...

Román Rodríguez anuncia que o alumnado do Instituto IES Valle-Inclán poderá estrear as primeiras...

0
— Salienta a envergadura da obra neste edificio histórico que cualifica como “unha das catedrais educativas que temos en Galicia” cun investimento de 4,7M€ —...

José López destaca a “implicación e iniciativa” dos correspondentes xuvenís e avanza novas accións...

0
— O Conselleiro de Cultura, Lingua e Xuventude visita os mozos e mozas deste programa autonómico de transmisión da información xuvenil, que esta fin...

A Xunta participa na celebración do Día da Amizada organizada pola Asociación Provincial de...

0
A secretaria xeral de Igualdade da Xunta de Galicia, Sandra Vázquez, asistiu hoxe ao Día da Amizade que cada ano celebra a Asociación Provincial...

Publicacións Relacionadas