Home Xunta de Galicia A Xunta presenta a maior campaña de verán da historia con máis...

A Xunta presenta a maior campaña de verán da historia con máis de 10.800 prazas para multitude de actividades

- Anuncio -

— A campaña terá como lema ‘O verán que queres contar’, ampliará en tres mil as prazas oferta-das o ano pasado e en mil as que había antes da pandemia

— Inclúe campamentos en 36 instalacións diferentes, 45 campos de voluntariado, programas de intercambio bilateral con outras comunidades, minicampamentos en establecementos turísti-cos e estancias en instalacións xuvenís

— Entre as novidades atópanse dúas novas localizacións de campamentos —en Xunqueira de Ambía e na Veiga—, nove campos de voluntariado totalmente novidosos e recupérase o pro-grama de campos internacionais

— O Diario Oficial de Galicia publicará esta oferta o vindeiro luns, de maneira que as persoas in-teresadas contarán cun prazo de sete días desde o mércores, despois do día festivo para solici-tar unha praza

— As persoas con discapacidade poderán elixir entre presentarse polo procedemento xeral ou a través das prazas reservadas para eles, e haberá, ademais, unha convocatoria específica para persoas con discapacidade de entre 11 e 50 anos

A Xunta presentou a campaña de verán para este ano 2022, que será a maior da historia ao contar con máis de 10.800 prazas, tres mil máis que o ano pasado e mil máis que antes da pandemia. A conselleira de Política Social en funcións, Fabiola García, detallou esta mañá o catálogo de actividades deseñado para esta edición no campamento xuvenil Pontemaril, en Forcarei, onde salientou que se trata dunha oferta ampla e variada para que a xuventude galega siga desfrutando dun verán cheo de experiencias que compartir e lembrar ao longo da súa vida.

Baixo o lema O verán que queres contar, a campaña estival para este ano 2022 inclúe campamentos en 36 instalacións repartidas por toda a Comunidade para mozas e mozos de entre 9 e 17 anos; 45 campos de voluntariado en Galicia e tamén noutras Comunidades Autónomas e no estranxeiro para maiores de idade ata os 30 anos; programas de intercambio bilateral con outras comunidades; minicampamentos ‘Coñece Galicia’ en establecementos turísticos para nenos e nenas de entre 10 e 14 anos; e estancias en instalacións xuvenís para entidades ou asociacións.

A conselleira concretou que entre as novidades desta edición atópanse tres campamentos totalmente novos, dous deles en novas instalacións situadas en Xunqueira de Ambía e na Veiga; nove campamentos de voluntariado novidosos en concellos como Mesía, Baleira ou Sanxenxo; e recupéranse os campos de voluntariado internacionais doutras edicións para realizar actividades noutros países de todo o mundo. As actividades realizaranse durante os meses de xullo, agosto e comezos de setembro.

Prazo de solicitudes
O Diario Oficial de Galicia publicará o vindeiro luns esta oferta de actividades para a xente nova, o que significa que o mércores, despois do festivo, abrirase un prazo de sete días para que as familias soliciten praza a través da páxina web de xuventude. Trátase dunha oferta inclusiva e aberta ás persoas con discapacidade que poderán decidir se presentarse polo procedemento xeral ou a través das prazas reservadas. Coma en cada edición, haberá ademais a posibilidade de optar a campamentos específicos para persoas con discapacidade de entre 11 e 50 anos.

Fabiola García lembrou que esta campaña de verán permite que as mozas e mozos pasen un verán inesquecible, pero tamén representa un importante recurso de conciliación para as familias. Neste sentido, afirmou que o Goberno galego segue poñendo facilidades para que as nais e pais poidan conciliar a súa vida familiar e laboral.

O Goberno galego incrementou a súa oferta de ocio e tempo libre para este verán ao igual que o leva facendo o resto do ano a través dos programas Primavera Xove e Outono Xove. Con estas iniciativas, póñense en marcha actividades destinadas á xente moza nos espazos xoves de toda a Comunidade, encontros formativos e de networking nos campus universitarios e estadías en albergues xuvenís durante as fins de semana ou en períodos vocacionais como a Semana Santa.

Relacionadas

Rueda destaca o patrimonio cultural, a paisaxe e a gastronomía como principais atractivos turísticos...

0
― Resalta que cómpre “coidar e facer sostibles” os elementos que identifican á comunidade porque o turismo “é unha parte moi importante da economía”...

A Xunta convoca axudas por 1,63 millóns de euros para impulsar proxectos de conservación...

0
— Ángeles Vázquez anuncia que desde mañá xa se poden pedir subvencións para obras, proxectos e campañas de sensibilización nestes espazos por importe de...

A Xunta destaca o papel do Programa Mentor na formación e emancipación de adolescentes...

0
O obxectivo é facilitar a mozos que están no sistema de protección as ferramentas que necesitan para que poidan desenvolverse tanto persoal como profesionalmente O...

Un total de 431 colexios e institutos desenvolven clubs de lectura grazas ao...

0
— Este curso sumáronse 53 novos centros a esta iniciativa da Consellería de Educación, que financia con 400.000 € a adquisición de fondos e...

Medio milleiro de persoas obtiveron ou renovaron o ano pasado a habilitación como persoal...

0
A través dos cursos de seis horas realizados na Academia Galega de Seguridade Pública para adaptarse aos requisitos esixidos no decreto que regula as...

A Xunta aposta pola conservación de monumentos naturais de Galicia como a Praia das...

0
As rexistradas ata o momento roldan esa cifra, polo que se agarda que, malia as malas previsións meteorolóxicas, o número final se achegue á...

Publicacións Relacionadas