Home Pontevedra A Xunta prevé solicitar este mes a licenza de primeira ocupación da...

A Xunta prevé solicitar este mes a licenza de primeira ocupación da Cidade da Xustiza

- Anuncio -

— O vicepresidente primeiro e o fiscal superior de Galicia presidiron hoxe a Comisión Mixta da Fiscalía, e posteriormente visitaron a Cidade da Xustiza, para coñecer de primeira man o avance das obras no edificio onde van a traballar os 27 fiscais e os 25 funcionarios da Fiscalía de Área de Vigo

— Os fiscais vigueses terán á súa disposición a planta 5ª do edificio que dispón dunha superficie de máis de 2.300 m2, onde estarán ubicados 41 despachos, salas de espera, salas de xuntas, salas de toma de declaracións, unha área de menores e a área do fiscal xefe

— A nova infraestrutura acollerá 38 unidades xudiciais e trátase da obra xudicial máis importante da historia da comunidade na que a Xunta investiu máis de 42M€

O vicepresidente da Xunta, Alfonso Rueda, avanzou hoxe que a Xunta prevé solicitar a licenza de primeira ocupación da Cidade da Xustiza ao concello este mes. A obra supera o 98% de execución.

O vicepresidente primeiro e o fiscal superior de Galicia, Fernando Suanzes, presidiron hoxe a Comisión Mixta de Coordinación con Fiscalía, que tivo lugar na delegación territorial da Xunta en Vigo, e posteriormente visitaron xunto aos membros da Comisión, do director xeral de Xustiza, Juan José Martín, e da delegada territorial da Xunta en Vigo, Marta Fernández-Tapias a Cidade da Xustiza, para coñecer de primeira man o avance das obras no edificio onde van a traballar os 27 fiscais e os 25 funcionarios Fiscalía de Área de Vigo.

Os fiscais vigueses terán á súa disposición a planta 5ª do edificio que dispón dunha superficie de máis de 2.300 m2, onde estarán ubicados 41 despachos, salas de espera, salas de xuntas, salas de toma de declaracións, unha área de menores e a área do fiscal xefe.

Alfonso Rueda indicou que a nova infraestrutura acollerá 38 unidades xudiciais e que se trata da obra xudicial máis importante da historia da comunidade na que a Xunta investiu máis de 42M€ e coa que está a piques de culminar o Plan de Infraestruturas Xudiciais, dotado con máis de 125M€.

Alfonso Rueda lembrou que a rehabilitación do antigo Hospital Xeral para destinalo a ser a sede da nova Cidade da Xustiza iniciouse coa convocatoria dun concurso de ideas do que resultou gañador o arquitecto Alfonso Penela e agora “xa falta menos para que este representativo e emblemático edificio da cidade olívica volva a ter uso e arranque como a gran sede xudicial que Vigo e comarca precisa”.

Unha vez rematadas as obras, a Cidade da Xustiza unificará nun só edificio os órganos xudiciais da cidade, ao acoller nos seus 44.000 metros cadrados 38 unidades xudiciais xunto coa Fiscalía de Área, as 2 seccións da Audiencia Provincial e a subdirección do Instituto de Medicina Legal (Imelga), e a maiores existen espazos dispoñibles para futuros crecementos do partido xudicial de Vigo.

En total, trasladaranse máis de 500 traballadores da Administración de Xustiza, que terán á súa disposición unha escola infantil de 41 prazas para facilitar a súa conciliación laboral e familiar.

Relacionadas

A Secretaría Xeral para o Deporte encarga un estudo para a execución dunha nova...

0
_Lete Lasa lembrou como, hai dúas semanas, certificábase outro acordo para levar a cabo unha canle de augas bravas no río Xallas tras unha...

O BNG chama a parar o espolio e a depredación do modelo eólico da...

0
Bará chama a mobilizarse mañá, sábado 29, ás 12 h. diante do edificio administrativo da Xunta en Campolongo Nunha comparecencia de prensa, acompañado polo responsábel...

Baiona sóbese a bordo da transformación dixital para ofrecer unha experiencia turística cultural e...

0
O Concello de Baiona vai adherirse ao proxecto Exploraterra, que nace co obxectivo de promover e preservar o patrimonio cultural das grandes expedicións marítimas...

Concello e Policía Local elaboan un mapa de puntos negros para detectar e intervir...

0
Inclúe un documento que analiza a violencia sexual e a seguridade con perspectiva de xénero, localiza os espazos e zonas pouco iluminadas ou inseguras...

O goberno provincial garante a continuidade do Plan para recuperar xacementos Galaico-Romanos e anuncia...

0
O Pleno sumouse de forma unánime á  declaración de pesar da presidenta tralo “duro golpe” polo falecemento da ex-alcaldesa de O Porriño Eva García...

A Xunta mellora aimaxe do Camiño Inglés ao seu paso por Oroso coa instalación...

0
― A directora de Turismo de Galicia, Nava Castro, acompañada polo alcalde e parte da corporación municipal, visitaron os traballos executados ao abeiro das...

Publicacións Relacionadas