O vicepresidente segundo e conselleiro de Presidencia, Xustiza e Deportes, Diego Calvo, e as conselleiras de Medio Ambiente, Territorio e Vivenda, Ángeles Vázquez, e de Infraestruturas e Mobilidade, Ethel Vázquez, xunto ao delegado territorial da Xunta na Coruña, Gonzalo Trenor, asistiron ao II Encontro Anual da Asociación Provincial de Empresarios da Construción da Coruña (Apecco).
No evento, os representantes da Xunta reafirmaron o compromiso do Goberno galego coa construción en Galicia, como sector clave na economía e no desenvolvemento urbanístico, co impulso á obra pública e o apoio á poboación nas obras de reforma e rehabilitación no eido residencial, entre outras medidas.