— Para optar ao premio debían contar cunha nota media na etapa igual ou superior a 8,75 puntos e superar unha proba presencial específica
— Cada un deles recibe un galardón económico de 1.000€ e un diploma acreditativo
A Xunta de Galicia vén de recoñecer a excelencia de 20 alumnos que cursaron 2º curso de Bacharelato no curso 2021/22 cos premios extraordinarios. O obxectivo deste galardón é valorar os méritos excepcionais baseados no esforzo e no traballo dos estudantes que remataron esta etapa educativa cun sobresaínte resultado académico.
Para optar ao premio, convocado pola Consellería de Cultura, Educación, FP e Universidades, os rapaces debían contar cunha nota media no Bacharelato igual ou superior a 8,75 puntos. Así mesmo, os candidatos tiveron que superar unha proba presencial estruturada en dúas partes.
A primeira dela centrouse na análise e comentario crítico dun texto sobre un tema de carácter xeral, histórico, filosófico ou literario, así como na resposta a cuestións de carácter cultural ou lingüístico sobre un texto na Primeira lingua estranxeira II cursada. A segunda parte consistiu no desenvolvemento de temas, respostas a cuestións ou exercicios prácticos dunha materia, a escoller entre Matemáticas II, Matemáticas aplicadas ás ciencias sociais II, Latín II e Fundamentos da arte II.
Cada un dos galardoados recibe un premio económico de 1.000€ e un diploma acreditativo. Ademais, a distinción de obter premio extraordinario farase constar nas certificacións académicas que se emitan.
A relación de persoas premiadas é a que se detalla no seguinte cadro:
| Concello | Centro educativo | Persoa premiada |
| A Coruña | CPR Plurilingüe Compañía de María | Duckworth Juárez, Marta |
| A Coruña | IES Plurilingüe Adormideras | Otero Lema, Brais |
| A Coruña | CPR Plurilingüe Liceo La Paz | Parada Burés, Diego |
| A Coruña | CPR Plurilingüe Peñarredonda | Pin Yeste, Alberto |
| Cee | IES Agra de Raíces | Pérez Soto, Mateo |
| Negreira | IES Xulián Magariños | Casas Neo, Mencía |
| Santiago de Compostela | IES Arcebispo Xelmírez I | Asegurado Mougán, Daniel |
| Santiago de Compostela | CPR Manuel Peleteiro | Ayaso Torres, Carlos |
| Santiago de Compostela | CPR Manuel Peleteiro | Pereira Angueira, Tomás |
| Santiago de Compostela | CPR Manuel Peleteiro | Sanmartín Goyanes, Alexandre |
| Santiago de Compostela | CPR Plurilingüe La Salle | Pérez Moreta, María |
| Santiago de Compostela | IES Antonio Fraguas Fraguas | Sanjurjo Carballeira, Erea |
| Teo | IES de Cacheiras | Montoto Pintos, Eva |
| Burela | IES Monte Castelo | Geada Bernal, Alba |
| Lugo | IES Lucus Augusti | Castro Díaz, Antía |
| Ourense | IES As Lagoas | Gallardo Quevedo, María |
| Vigo | CPR Plurilingüe Rosalía de Castro | Domínguez Fernández, Nicolás |
| Vigo | IES do Castro | Martínez Cabeza, Sabela |
| Vigo | IES do Castro | Villamarín Puentes, Manuela |
| Vilagarcía de Arousa | IES Castro Alobre | Senín Sánchez, Clara |
