Financiáronse con 21.000 euros a rehabilitación das fachadas do inmoble e o pintado das estancias interiores
O xerente do Consorcio Galego de Servizos de Igualdade e Benestar, Perfecto Rodríguez, visitou hoxe as obras realizadas no centro de día de Mondariz, pertencente á rede pública autonómica. Os traballos consistiron, entre outras melloras, na rehabilitación das fachadas do inmoble e tiveron un custo de preto de 21.000 euros financiados integramente pola Xunta de Galicia..
Perfecto Rodríguez, que estivo acompañado do alcalde do concello, Pablo Barcia, insistiu no compromiso do Executivo autonómico en seguir mellorando os seus centros de maiores para ofrecer os mellores coidados e atencións. Neste sentido, destacou que no de Mondariz renovouse o aspecto exterior do edificio, actuando nas fachadas e nas cubertas e que ademais pintáronse as zonas interiores. Tamén se mellorou o illamento do inmoble fronte a humidade.
Máis en concreto, limpouse e pintouse toda a fachada traseira con cor claro acorde coa contorna arquitectónica. Así mesmo, interveuse sobre a fachada de pedra natural, na que se aplicou hidrolimpeza e un tratamento hidrofugante co fin de incrementar o illamento fronte a humidade e a duración dos tratamentos de limpeza da pedra.
No interior do centro, pintáronse as diferentes estancias con cores claros para aumentar a súa luminosidade. Tamén se renovaron os paramentos inferiores en zonas de moito uso.
