Home Xunta de Galicia A Xunta retoma a campaña "o que se enchufa ,recíclase" para superar...

A Xunta retoma a campaña “o que se enchufa ,recíclase” para superar os 5 kg ao ano de aparellos eléctricos que xa recicla cada galego

- Anuncio -

— Ángeles Vázquez lembra que cando estes materiais rematan a súa vida útil, poden ser depositados nas superficies comerciais ou nos puntos verdes municipais, co fin de que entren novamente na cadea e se facilite a fabricación dun novo produto


— O lanzamento desta iniciativa coincide co Black Friday, ao ser un período comercial onde a venda destes produtos aumenta considerablemente


— O secretario xeral de ADEN subliña que grazas á recollida de RAEE nas súas superficies evitouse na última década a emisión de 48.000 toneladas de CO2

A Xunta retoma a campaña informativa O que se enchufa, recíclase, co obxectivo de que a taxa galega de reciclaxe de residuos de aparellos eléctricos e electrónicos (RAEE), 5 quilogramos por habitante ao ano, medre aínda máis.

A conselleira de Medio Ambiente, Territorio e Vivenda, Ángeles Vázquez, presentou esta mañá unha nova edición desta actuación coa que dar “infinitas vidas” a estes materiais acompañada de Rafael Serrano, de Ecolec, en representación dos sistemas colectivos de responsabilidade ampliada do produtor (SCRAP) de RAEE; o secretario xeral da Asociación Nacional de Empresas Distribuidoras de Electrodomésticos (ADEN), Javier de la Cerna; e representantes de superficies comerciais.

Ángeles Vázquez salientou que nestas iniciativas está parte do éxito de recollida de 13.661 toneladas no ano 2020, un período que, a pesar de estar marcado pola pandemia sanitaria da covid-19, acadou cifras similares aos anos anteriores, o que pon de manifesto o compromiso da sociedade galega.

Indicou que, grazas a este esforzo, nos últimos tres anos recolléronse máis de 40.000 toneladas de RAEE e incrementouse nun 11% a recollida ao abeiro da colaboración que manteñen a Xunta e os SCRAP.

Cómpre lembrar que pola compra en liña ou en tenda física dun destes aparellos, o usuario ten dereito á recollida do vello —gratuíta no caso das superficies de máis de 400 m2— no momento da entrega para reciclalo e darlle moitas máis vidas. Ademais, tamén se poden depositar nos puntos verdes municipais.

Pola súa banda, o secretario xeral de ADEN, que reúne aos empresarios do sector, lembrou a importancia de manter este tipo de actitudes, pois grazas á recollida de RAEE nas súas superficies evitouse na última década a emisión de 48.000 toneladas de CO2 á atmosfera e se recuperaron 20.000 toneladas de materiais.

Coincidencia co ‘Black Friday’
Así mesmo, Ángeles Vázquez defendeu que aínda hai “marxe de mellora”, polo que na semana actual do Black Friday, un período comercial no que medra considerablemente a venta de aparellos electrónicos e eléctricos, tecnoloxía e dispositivos dixitais, podemos depositar nestes establecementos comerciais os materiais en desuso para que, tras a súa correcta xestión, entren novamente na cadea e se facilite a fabricación dun novo produto.

Todos os presentes apostaron por manter estas campañas de concienciación e formativas, para visualizar o valor destes dispositivos, unha vez que remata a súa vida útil, polo que estar presente nas grandes superficies comerciais é o xeito máis directo e fácil para concienciar aos cidadáns. Ademais, tamén se están a levar a cabo accións enfocadas á mocidade, con mensaxes que se divulgan nas plataformas dixitais de información e música.

A campaña de 2021 artéllase a través dos lemas Aspiro a ter infinitas vidas, O elixir da eterna xuventude… ou case, 7 vidas ten un gato. Paréceme pouco e Superheroes? Eu si que son inmortal, que se visibilizarán nas redes sociais, nos xornais dixitais e en 220.000 dípticos co fin de “darlle moitas máis vidas” a estes produtos.

Por último, o representante dos SCRAP, Rafael Serrano, animou á sociedade a reciclar para “converter esta campaña nun éxito”.

Relacionadas

A Xunta procede a abrir a lagoa da Frouxeira en Valdoviño para evitar inundacións

0
Este procedemento realízase a través dunha canle temporal artificial, que reproduce a canle natural de desaugadoiro A Xunta procederá a abrir esta mesma tarde a...

A Xunta apoia o impulso do turismo activo para consolidar Galicia como destino de...

0
― O vicepresidente primeiro da Xunta, Alfonso Rueda, asinou hoxe un convenio coa Asociación Galega de Empresas de Turismo Activo, Aventura e Natureza (AGETAN)...

A Xunta activa unha alerta laranxa por temporal costeiro en todo o litoral galego

0
― Agárdase mar combinada do noroeste con ondas de ata 8 metros e vento de compoñente oeste a noroeste no noroeste de A Coruña...

A Xunta efectuou a restauración ambiental de 1.166 puntos de vertido incontrolado nos últimos...

0
— A Consellería de Medio Ambiente, Territorio e Vivenda actuou en máis de 150 concellos, grazas ao cal se rexeneraron 79 hectáreas — Ao longo...

A Xunta actiba para mañá unha alerta laranxa por temporal costeiro nas provincias de...

0
― Agárdase vento do oeste forza 8 no litoral da Coruña e mar combinada do noroeste con ondas de 5 a 6 metros na...

Un total de dez centros de ensino participan nunha nova edición de “Escola Verde”...

0
— Cada colexio escolle unha temática relacionada co medio ambiente sobre a que traballar, con propostas tan innovadoras como a do IES Valga sobre...

Publicacións Relacionadas