Diego Calvo asiste á presentación do libro “Supersanos” do doutor Manuel Viso

O conselleiro de Presidencia, Xustiza e Deportes, Diego Calvo, asistiu esta tarde na Coruña á presentación do libro “Supersanos”, do médico e divulgador galego Manuel Viso, unha obra que xa vai pola terceira edición e que serve de guía para promover hábitos saudables e o coidado integral da saúde con cambios en aspectos como a nutrición, o sono, a saúde mental ou o manexo do estrés e o exercicio físico.