Home Xunta de Galicia Diego Calvo feliciata os representantes da patinaxe galega polas 16 medallas acadadas...

Diego Calvo feliciata os representantes da patinaxe galega polas 16 medallas acadadas o ano pasado en competicións internacionais

- Anuncio -


— O vicepresidente segundo e conselleiro de Presidencia, Xustiza e Deportes, Diego Calvo, recibiu aos medallistas e destacou o auxe de Galicia nas distintas modalidades deste deporte e o elevado nivel acadado


— Destacou o traballo levado a cabo polos clubs e pola Federación Galega de Patinaxe desde a base para fomentar a afección por esta disciplina ás xeracións máis novas

O vicepresidente segundo e conselleiro de Presidencia, Xustiza e Deportes, Diego Calvo, felicitou os patinadores e patinadoras da comunidade que o ano pasado acadaron 16 medallas a nivel internacional -11 ouros, 1 prata e 4 bronces-, o que sitúa a Galicia como referencia nas distintas modalidades deste deporte. Nunha recepción na que estivo acompañado polo secretario xeral para o Deporte, José Ramón Lete, puxo en valor a relevancia da patinaxe galega e o elevado nivel acadado nos últimos anos.

Así, Diego Calvo agradeceu aos asistentes as alegrías que no 2022 deron a Galicia e amosouse seguro de que se seguirán sumando moitas máis neste ano e nos seguintes. Destacou que das 16 medallas, a maioría, en concreto 10 delas, conseguíronas os nosos deportistas nos Mundiais de Arxentina do pasado novembro, a competición máis importante deste deporte no panorama internacional.

Entre os deportistas máis laureados destaca Jhoan Sebastián, Chevi, Guzmán do club de patinaxe Freestyle Vigo. O patinador nado en Venezuela e afincado en Vigo sumou 7 ouros internacionais o ano pasado, 4 deles no Campionato de Europa de velocidade celebrado en Italia e outros 3 no World Skate Games de Arxentina. Neste Mundial Manuel Taibo do SCD Rabadeira acadou outras 4 medallas -1 ouro, 1 prata e 2 bronces- e Lucas Yáñez 1 ouro na categoría junior. Na mesma categoría pero no Europeo de Andorra este patinador do CPA Maxia de Oleiros fíxose con outro ouro.

O palmarés da patinaxe galega en probas internacionais complétase cos logros de dous membros do club de hóckey sobre patíns Dominicos da Coruña: o ouro de Jacobo Copa da selección española no Europeo sub-17 celebrado en Barcelona e o bronce de Bruno Saavedra, na selección española sub-19, nos Mundiais de Arxentina. Ademais o Club Patinaxe Artístico Gondomar fíxose coa medalla de bronce nos Mundiais de Arxentina na modalidade grupo show.

Ao acto de hoxe tamén asistiron o presidente da Federación Española de Patinaxe, Carmelo Paniagua, e a presidenta da federación galega, María Jesús Vázquez. Esta última, como lembrou o vicepresidente segundo, segue o legado de Vicente Torres, falecido en 2021 e que o ano pasado recibiu a Medalla do Mérito Deportivo da Xunta a título póstumo. Nesta liña, Diego Calvo incidiu no traballo levado a cabo pola Federación Galega de Patinaxe desde a base para fomentar a afección por esta disciplina ás xeracións máis novas.

En resposta a ese nivel e á entrega coa que os deportistas galegos practican patinaxe, a Xunta mantén o seu compromiso con máis de 1,8 millóns de euros destinados á federación galega, aos clubs de patinaxe e aos patinadores e patinadoras da comunidade en axudas á súa actividade, á dotación equipamento e en patrocinios e eventos. A federación recibirá este ano outros 62.000 euros para a súa actividade, no marco dos 5 millóns reservados aos convenios coas 59 entidades deste tipo na comunidade.

Este apoio contribuíu ao auxe da patinaxe que se sitúa na actualidade nas súas mellores cifras ao superar as 5.000 licenzas. Ademais, dous terzos son mulleres, o que sitúa a este deporte como un dos que máis promove a igualdade no ámbito deportivo.

Deste xeito, o vicepresidente segundo valorou a calidade dos patinadores e patinadoras que levan o nome de Galicia polo mundo e que cos seus éxitos teñen un efecto chamada sobre as xeracións máis novas.

Por unha banda, 16 dos 752 deportistas de alto nivel recoñecidos este ano pertencen a este deporte. E, por outra parte, a comunidade galega conta con equipos nas ligas nacionais de hóckey a patíns como o Hóckey Club Liceo da Coruña, o club máis laureado de Galicia e, do mesmo xeito, éxitos no hóckey patíns en liña, na patinaxe de velocidade e na patinaxe artística.

Relacionadas

Rueda destaca o patrimonio cultural, a paisaxe e a gastronomía como principais atractivos turísticos...

0
― Resalta que cómpre “coidar e facer sostibles” os elementos que identifican á comunidade porque o turismo “é unha parte moi importante da economía”...

A Xunta convoca axudas por 1,63 millóns de euros para impulsar proxectos de conservación...

0
— Ángeles Vázquez anuncia que desde mañá xa se poden pedir subvencións para obras, proxectos e campañas de sensibilización nestes espazos por importe de...

A Xunta destaca o papel do Programa Mentor na formación e emancipación de adolescentes...

0
O obxectivo é facilitar a mozos que están no sistema de protección as ferramentas que necesitan para que poidan desenvolverse tanto persoal como profesionalmente O...

Un total de 431 colexios e institutos desenvolven clubs de lectura grazas ao...

0
— Este curso sumáronse 53 novos centros a esta iniciativa da Consellería de Educación, que financia con 400.000 € a adquisición de fondos e...

Medio milleiro de persoas obtiveron ou renovaron o ano pasado a habilitación como persoal...

0
A través dos cursos de seis horas realizados na Academia Galega de Seguridade Pública para adaptarse aos requisitos esixidos no decreto que regula as...

A Xunta aposta pola conservación de monumentos naturais de Galicia como a Praia das...

0
As rexistradas ata o momento roldan esa cifra, polo que se agarda que, malia as malas previsións meteorolóxicas, o número final se achegue á...

Publicacións Relacionadas