Diego Calvo participa na entrega de premios do Campionato de España de Sprint Olímpico de Piragüismo

O conselleiro de Presidencia, Xustiza e Deportes, Diego Calvo, participou hoxe na entrega de premios do LVI Campionato de España de Sprint Olímpico sénior e xuvenil de piragüismo, que se celebra ata mañá no complexo deportivo David Cal, en Pontevedra, co apoio da Xunta. A cita reúne máis de 800 palistas de 84 clubs e conta cunha importante presenza galega, ao sumar case 350 deportistas de 24 clubs da comunidade.