O conselleiro de Cultura, Lingua e Xuventude, José López Campos, reuniuse hoxe co alcalde de Vilanova de Arousa, Gonzalo Durán, para coñecer de primeira man as necesidades e proxectos do concello pontevedrés e abordar así as posibles colaboracións no que ten que ver co seu departamento.
Deste xeito, o representante da Xunta continúa a achegarse ás administracións locais para explorar vías de apoio que permitan avanzar en cuestións relacionadas coa dinamización da cultura, co impulso da lingua galega, coa posta en valor dos bens patrimoniais ou con accións enfocadas na mocidade.
