O director de Turismo de Galicia, Xosé Merelles, xunto coa subdirectora xeral de Relacións coas Comunidades Galegas, Isabel Martínez Pellicer, inauguraron esta mañá as Escolas Abertas, nas que participan 45 profesores chegados de disintas entidades do exterior e que terán lugar no Centro Superior de Hostalería de Galicia (CSHG).
A iniciativa conta con varias décadas de traxectoria e supón un achegamento á cultura e á tradición de Galicia ao tempo que garante o seu espallamento polo mundo, especialmente naqueles países onde residen galegos. Nesta edición, participan 36 profesores chegados de entidades de América e outros 9 de Europa e resto de España.
