- Un total de 24 centros de toda Galicia participan na xornada de lanzamento dos satélites do alumnado en Cerceda, na que se entregaron nove premios
- Equipos de San Sadurniño, Ourense, Vigo, Ortigueira, A Coruña, Sada, A Rúa e Santiago de Compostela logran un galardón nas distintas categorías
- O obxectivo do concurso é estimular a aprendizaxe práctica e o traballo en equipo, ao tempo que o alumnado coñece a metodoloxía de investigación científica
O Instituto Aquis Celenis, de Caldas de Reis, proclamouse hoxe ganador da fase autonómica do certame CanSat organizado pola Axencia Espacial Europea e dirixido a estudantes de 14 a 19 anos. Será o representante de Galicia na fase nacional do concurso que se celebrará no mes de maio. Na xornada de hoxe, a Consellería de Educación, Ciencia, Universidades e FP organiza o lanzamento dos satélites elaborados polo alumnado dos centros educativos da nosa Comunidade.
Nesta final, celebrada no aeródromo As Gaivotas, en Cerceda, e á que asistiu o secretario xeral técnico da Consellería, Manuel Vila, tomaron parte un total de 12 equipos de competición. O xurado comprobou os pesos, medidas, baterías e frecuencias dos aparellos e seleccionou os seis mellores proxectos, que foron lanzados no foguete.
Posteriormente, o alumnado dos seis equipos finais defenderon os seus proxectos diante do xurado que, analizadas a súas intervencións, os satélites deseñados e as medicións que se realizaron con eles, outorgou os seguintes galardóns:
| Premio | Concello | Centro | Proxecto |
| Mellor proxecto CanSat | Caldas de Reis | IES Aquis Celenis | Aquisat V 2 |
| Mellor logro técnico | San Sadurniño | CPI de San Sadurniño | Nouscan 12 |
| Misión científica máis destacada | Ourense | IES Universidade Laboral | Barreiros |
| Equipo máis profesional | Vigo | CPR Montecastelo | MontecasteloSAT6 |
| Premio honorífico | Ortigueira | IES de Ortigueira | Chatarrin |
| A Coruña | CPR Salesiano | SalesCansat | |
| Mellor proxecto CanSat | Sada | CEIP O Mosteirón | Os mosteiriños creativos |
| Mellor póster | A Rúa | CEIP Manuel Respino | GalSat |
| Premio honorífico | Santiago de Compostela | CPR Vilas Alborada | MicroAlborada |
En canto aos 16 equipos que participaban só en modo demostración, ao longo da xornada tiveron a oportunidade de participar en retos cognitivos así como nunha simulación de adestramento para astronautas.
Como novidade, este ano contouse cun foguete que elevou os satélites dos equipos finalistas ata unha altura de case que 1 km. Ademais, en lugar de contar con drons de pequeno formato, capaces de lanzar un máximo de catro Cansats á vez, utilizouse un dron de gran formato para o resto de participantes.
Proxecto espacial
Un CanSat é unha simulación dun satélite integrada dentro do volume e peso dunha lata de refrescos. De feito, o termo procede das palabras en inglés can (lata) e sat (satélite). O desafío para o alumnado consiste en introducir nun espazo reducido os principais elementos dun satélite real, como a alimentación eléctrica, os sensores e o sistema de comunicacións. A continuación, lánzase o CanSat ou déixase caer desde unha plataforma mediante un dron, un globo cativo, un foguete ou calquera outro método. O experimento científico consiste en lograr unha aterraxe sen danos e a análise dos datos durante o descenso.
Durante os meses de preparación, os estudantes, co apoio dos seus profesores, desenvolven as súas iniciativas seguindo os procedementos dun proxecto espacial. Para iso, seleccionan os obxectivos da misión, definen os requisitos técnicos necesarios para logralos, deseñan o hardware e o software e o sistema de telecomunicacións desde terra. Antes de chegar á xornada de competición realizan varias probas e preparan a presentación do proxecto e a documentación.
O obxectivo de CanSat é favorecer a aprendizaxe práctica do alumnado e o seu traballo en equipo, ao tempo que se familiariza coa metodoloxía de investigación científica e adquire competencias en tecnoloxía, matemáticas, física e programación, pero tamén en arte e creatividade.
Centros participantes na xornada
| Concello | Centro | Proxecto | Modalidade |
| Ortigueira | IES de Ortigueira | Chatarrin | Competición |
| Caldas de Reis | IES Aquis Celenis | Aquisat V 2 | |
| Ourense | IES Universidade Laboral | Team Wason 2 | |
| Ourense | IES Universidade Laboral | Los Tiesos | |
| Ourense | IES Universidade Laboral | Barreiros | |
| Vigo | CPR Montecastelo | MontecasteloSAT6 | |
| Redondela | IES Mendiño | Cos pes na terra | |
| A Coruña | CPR Salesiano | SalesCansat | |
| A Coruña | CPR Compañía de María | PlatoGal_1 | |
| Ourense | CPR Maristas | Marsatt2025A/ | |
| Ourense | CPR Maristas | Marsat2025B И | |
| San Sadurniño | CPI de San Sadurniño | Nouscan 12 | |
| Ortigueira | IES de Ortigueira | Estrellitas | Demostración |
| A Rúa | CEIP Manuel Respino | GalSat | |
| A Coruña | CEEPR Nosa Señora De Lourdes – Aspronaga | Freakyspace | |
| Ferrol | IES Ricardo Carvalho Calero | C3club | |
| Ourense | IES Xesús Ferro Couselo | Altairis | |
| Cambre | CEIP Portofaro | Poleiros Portofaro | |
| Sada | CEIP O Mosteirón | Os mosteiriños creativos | |
| Santiago de Compostela | CPR Vilas Alborada | MicroAlborada | |
| Moaña | CEIP de Quintela | Quintela en órbita | |
| A Coruña | CEIP Curros Enríquez | Tecnoquoakkas | |
| Santiago de Compostela | CEIP Santiago Apóstolo | Santiago Apóstolo | |
| Camariñas | IES Pedra da Aguia | AguiaSat | |
| Cedeira | IES Punta Candieira | Os Planetarios | |
| Cerceda | CEIP O Cruce | As programadoras | |
| Verín | IES Xesús Taboada Chivite | Chiviteiros | |
| Sarria | CEIP Frei Luís de Granada | Luisiños |
