Home Xunta de Galicia O programa de dinamización lingüística "21 días co galego e +" arranca...

O programa de dinamización lingüística “21 días co galego e +” arranca a súa quinta edición

- Anuncio -

— O secretario xeral de Política Lingüística e o director xeral de Centros e Recursos Humanos participan na apertura desta edición, que se estenderá ata o 13 de febreiro

— Baixo o lema ‘Falando para un mundo mellor’, participará rapazada de 12 centros do último ciclo de Primaria, ESO, Bacharelato e FP

— A iniciativa conta cun 20% máis de participación ca na edición anterior, pois supera as 4.500 persoas entre alumnado, profesorado e persoal non docente

— Como principal novidade, os estudantes de todos os centros participantes intercambiarán experiencias o vindeiro 28 de febreiro no Gaiás

O secretario xeral de Política Lingüística, Valentín García, e o director xeral de Centros e Recursos Humanos, Jesús Álvarez, participaron esta mañá no acto de apertura da quinta edición do programa 21 días co galego e + impulsado pola Consellería de Cultura, Educación, FP e Universidades co obxectivo de promover o uso da lingua galega entre a xente nova tanto fóra como dentro da contorna escolar.

Nesta nova edición, que se desenvolverá en 12 centros galegos entre o 24 de xaneiro e o 13 de febreiro, participarán 4.564 persoas entre alumnado, profesorado e persoal de administración e servizos, unha cifra que supera nun 20% a do ano pasado e que supón, ademais, a máxima participación nos cinco anos de traxectoria que suma esta iniciativa de dinamización lingüística.

Na sesión de apertura, que tivo lugar no IES Rafael Dieste da Coruña, centro participante da iniciativa, tamén interviñeron o presidente da Real Academia Galega, Víctor F. Freixanes; o director do dito instituto, Mateo Torres, e a profesora e creadora da iniciativa, Pilar Ponte. Paralelamente, os restantes 11 centros adscritos realizaron cadanseu acto de apertura nas súas respectivas sedes.

21 días falando en galego
Baixo o lema Falando para un mundo mellor, que motiva á rapazada a medrar no uso do galego, o alumnado do último ciclo de Primaria, ESO, Bacharelato e FP intensificará voluntariamente a súa expresión en galego durante os 21 días que funciona o programa. Disto quedará constancia no blog 21diascogalegoemais.gal, o soporte central da iniciativa no que se mostrarán as creacións dos centros participantes, así como tamén nas contas de Facebook, TikTok, Instagram e Twitter.

Ademais, 21 días co galego e + manterá a colaboración externa co programa Galicia por diante, da Radio Galega, onde terá unha sección diaria de luns a venres durante estas tres semanas; e co programa Dígocho eu!, da CRTVG, que terá encontros co alumnado dos 12 centros educativos.

Como novidade, este ano celebrarase o I Encontro 21 Días co Galego e +, que reunirá o alumnado de todos os centros participantes o vindeiro 28 de febreiro no Gaiás para compartir moita lingua a través das súas experiencias no programa.

Centros participantes
Os centros participantes varían cada ano e, por segundo ano consecutivo, son 12. Neste curso 2022/23 o programa desenvolverase no IES Plurilingüe Rafael Dieste (A Coruña), IES de Melide (Melide), CPI Plurilingüe Virxe da Cela (Monfero) e CPR Divino Maestro (Santiago), todos eles na provincia da Coruña; no CPR Plurilingüe Sagrado Corazón de Xesús (Ribadeo) e IES María Sarmiento (Viveiro), na provincia de Lugo; no IES Nº1 do Carballiño (O Carballiño) e CPI Virxe dos Remedios (Castro Caldelas), en Ourense; e no CPI Plurilingüe Alfonso VII (Caldas de Reis), CPI Plurilingüe Arquitecto Palacios (Nigrán), IES Aquis Celenis (Caldas de Reis) e IES A Basella (Vilanova de Arousa), na provincia de Pontevedra.

Esta iniciativa de dinamización lingüística naceu para estimular o uso do galego no alumnado e perfeccionalo dentro e fóra das aulas. Ten a súa orixe nunha experiencia que se puxo en marcha desde 2013 no IES da Pobra do Caramiñal, da man da profesora Pilar Ponte, e que mesmo chegou a recibir en 2015 un premio de innovación en dinamización lingüística, en 2016 un recoñecemento da Real Academia Galega e no 2019 o Premio da Cultura Galega na categoría de Lingua. Desde o ano 2019 foi asumido pola Secretaría Xeral de Política Lingüística, que inicialmente o desenvolveu en catro centros educativos, un por cada unha das provincias galegas.

Relacionadas

A Axencia de Protección da Legalidade Urbanística e o concello de Barro coinciden na...

0
Durante un encontro recente revisaron os diferentes núcleos de poboación, espazos protexidos e infraestruturas do municipio, analizando as súas singularidades urbanísticas A Axencia de Protección...

A Xunta dota de material deportivo a 357 entidades da provincia de Pontevedra cunha...

0
— O vicepresidente segundo e conselleiro de Presidencia, Xustiza e Deportes, Diego Calvo, entregou hoxe o equipamento concedido a unha trintena de clubs, sociedades...

Nava Castro salienta o récord turístico acadado na nosa comunidade no 2022 superando nun...

0
 A directora de Turismo de Galicia compareceu no Parlamento de Galicia para dar conta do balance turístico do pasado ano  Durante a súa...

A Unión de Consumidores de Galicia premia o traballo da Escola Infantil San Paio...

0
O director xeral de Familia, Infancia e Dinamización Demográfica, Jacobo Rey, asistiu hoxe á entrega de premios do certame ‘O teu desexo para 2023’,...

A Xunta abre dúas liñas de axuda para apoiar o tecido empresarial en proxectos...

0
― Estas dúas liñas de apoios están abertas desde este mes e suman en total preto de 20M€ ― Conde avoga pola colaboración entre administracións...

O BOE publica a declaración de Festa de Interese Turístico Internacional á Festa da...

0
 Esta celebración era festa de interese turístico nacional desde o ano 2016  O informe remitido por Turismo de Galicia ao Ministerio recollía que...

Publicacións Relacionadas