Home Xunta de Galicia Os propietarios de vivendas e edificios xa poden optar ás axudas da...

Os propietarios de vivendas e edificios xa poden optar ás axudas da Xunta de ata 38750€ para mellorar a eficiencia enerxética dos seus inmobles

- Anuncio -

— Desde hoxe tamén se poden pedir subvencións dun máximo de 3.500 € para elaborar o chamado libro do edificio e de ata 30.000 € para os proxectos de rehabilitación


— O prazo para acollerse a estes dous novos programas, que suman un orzamento global de máis de 24 M€, permanecerá aberto ata o vindeiro 30 de novembro

As axudas da Xunta para obras de mellora da eficiencia enerxética en vivendas unifamiliares e edificios residenciais xa se poden solicitar desde hoxe. O importe máximo destes novos incentivos chegará ata os 38.750 euros, cubrindo en determinados supostos o 100% do custo da intervención a realizar.

Este luns, 16 de maio, publicouse no DOG a primeira convocatoria do programa de axuda ás actuacións de rehabilitación a nivel de edificio, financiado con cargo aos fondos NextGenerationUE e cun orzamento de 22,9 millóns de euros, polo que se converte na liña de incentivos neste eido co maior orzamento da historia.

Neste caso, os incentivos económicos destinaranse a apoiar actuacións de mellora da envolvente de edificios de uso colectivo e vivendas unifamiliares —como a renovación de fachadas e de cubertas—, e a substituír equipos de calefacción e de auga quente para lograr, como mínimo, un aforro enerxético do 30%.

De feito, atendendo aos ingresos dos solicitantes e á porcentaxe de redución dos consumos que se acade —a lo menos dun 30% en calquera caso—, a contía da subvención pode chegar ata os 38.750 euros, se a actuación prevé a retirada de elementos con amianto, e a un máximo de 26.750 euros noutros supostos.

Así mesmo, desde hoxe tamén se poden solicitar as axudas para elaboración do libro do edificio existente e para redacción de proxectos, documentación que xa é obrigatoria no caso de inmobles de nova construción e que se quere fomentar para o resto. A convocatoria de 2022, publicada onte, conta cun orzamento de 1,25 millóns de euros e vai dirixida a edificios ou vivendas rematadas antes do ano 2000 que se vaian rehabilitar.

A contía máxima desta axuda será de 3.500 euros cando se destine a elaborar o libro do edificio e poderá chegar ata os 30.000 euros se o que se quere financiar é o proxecto técnico correspondente e necesario para executar as obras de mellora.

Grazas a estas dúas novas liñas de axudas fomentarase a rehabilitación enerxética no eido residencial a través de incentivos cos que se poderá cubrir non só o custo dos traballos a realizar sobre o inmoble, senón tamén os gastos asociados a trámites previos pero imprescindibles para poder executar este tipo de intervencións.

O orzamento reservado para estas dúas convocatorias suma un total de máis de 24 millóns de euros e nos dous casos, as persoas e comunidades de propietarios interesadas poderán presentar as súas solicitudes desde hoxe, 17 de maio, ata o vindeiro 30 de novembro.

Relacionadas

Rueda destaca o patrimonio cultural, a paisaxe e a gastronomía como principais atractivos turísticos...

0
― Resalta que cómpre “coidar e facer sostibles” os elementos que identifican á comunidade porque o turismo “é unha parte moi importante da economía”...

A Xunta convoca axudas por 1,63 millóns de euros para impulsar proxectos de conservación...

0
— Ángeles Vázquez anuncia que desde mañá xa se poden pedir subvencións para obras, proxectos e campañas de sensibilización nestes espazos por importe de...

A Xunta destaca o papel do Programa Mentor na formación e emancipación de adolescentes...

0
O obxectivo é facilitar a mozos que están no sistema de protección as ferramentas que necesitan para que poidan desenvolverse tanto persoal como profesionalmente O...

Un total de 431 colexios e institutos desenvolven clubs de lectura grazas ao...

0
— Este curso sumáronse 53 novos centros a esta iniciativa da Consellería de Educación, que financia con 400.000 € a adquisición de fondos e...

Medio milleiro de persoas obtiveron ou renovaron o ano pasado a habilitación como persoal...

0
A través dos cursos de seis horas realizados na Academia Galega de Seguridade Pública para adaptarse aos requisitos esixidos no decreto que regula as...

A Xunta aposta pola conservación de monumentos naturais de Galicia como a Praia das...

0
As rexistradas ata o momento roldan esa cifra, polo que se agarda que, malia as malas previsións meteorolóxicas, o número final se achegue á...

Publicacións Relacionadas