Home Xunta de Galicia Rueda salienta que as 166 Bandeiras Azuis de Galicia son un premio...

Rueda salienta que as 166 Bandeiras Azuis de Galicia son un premio ao compromiso da comunidade co seu patrimonio natural e un recoñecemento á súa aposta polo turismo sustentable

- Anuncio -

 Incide en que ondearán en 112 areais, 11 portos deportivos, 14 centros e 29 sendeiros, e son 11 máis que o ano anterior


 Indica que volve a situar á Comunidade como unha referencia en España, xa que 1 de cada 5 bandeiras azuis do país pendurarán no noso territorio


 Sinala que Galicia recibiu no primeiro cuadrimestre 1 millón de turistas e segue a velocidade de récord co Camiño de Santiago con máis de 132.000 compostelas entregadas

O presidente da Xunta, Alfonso Rueda, salientou hoxe que as 166 bandeiras azuis de Galicia son un premio ao compromiso da Comunidade co seu patrimonio natural e un recoñecemento á súa aposta polo turismo sustentable e de calidade. Fíxoo durante o acto de entrega destes distintivos que ondearán en 112 areais, 11 portos deportivos, 14 centros e 29 sendeiros. “Son 11 estandartes máis que o ano anterior”, dixo.

A ese respecto, Rueda sinalou que Galicia pode sentirse orgullosa de que en relación a criterios de calidade de auga, seguridade, xestión ou información, a Asociación de Educación Ambiental volvera a situar á Comunidade como unha referencia en España, como demostra o feito de que 1 de cada 5 bandeiras azuis do país pendurarán no noso territorio.

Nese sentido, agradeceu a visitantes, veciños, axentes con incidencia no mar e concellos a súa contribución para acadar este novo éxito ambiental. “Non é fácil xestionar cada ano un aluvión de visitantes co rigor e a calidade da que facedes gala”, engadiu.

Logo de facer fincapé en que estas novas 11 bandeiras son 11 novos espaldarazos para lograr que este Xacobeo dobre sexa inesquecible, o presidente da Xunta fixo balance dos datos turísticos do primeiro cuadrimestre. Neste sentido, destacou que Galicia recibiu 1 millón de turistas, o que supuxo triplicar as cifras do mesmo período do 2021. Ademais, comezou a recuperar o turismo internacional e segue a velocidade de récord co Camiño de Santiago, con máis de 132.000 compostelas entregadas. “Galicia satisfai os desexos de natureza, Galicia ofrece termalismo, Galicia respira historia e Galicia é calidade”, aseverou.

Segundo o titular do Goberno galego, recoñecementos como estes, reflexan que Galicia sabe xestionar o seu, desde o rigor e a sustentabilidade. E, ao fío disto, volveu reclamar poder facelo tamén no tocante á xestión do litoral, unha petición que xa se concedeu a outras comunidades como Andalucía ou Cataluña. “Galicia é a primeira interesada en preservar a súa costa”, abundou.

Por último, pediu sentidiño e responsabilidade aos galegos e galegas na noite de San Xoán para que as praias á mañá seguinte luzan fermosas e libres de residuos.

Relacionadas

Rueda destaca o patrimonio cultural, a paisaxe e a gastronomía como principais atractivos turísticos...

0
― Resalta que cómpre “coidar e facer sostibles” os elementos que identifican á comunidade porque o turismo “é unha parte moi importante da economía”...

A Xunta convoca axudas por 1,63 millóns de euros para impulsar proxectos de conservación...

0
— Ángeles Vázquez anuncia que desde mañá xa se poden pedir subvencións para obras, proxectos e campañas de sensibilización nestes espazos por importe de...

A Xunta destaca o papel do Programa Mentor na formación e emancipación de adolescentes...

0
O obxectivo é facilitar a mozos que están no sistema de protección as ferramentas que necesitan para que poidan desenvolverse tanto persoal como profesionalmente O...

Un total de 431 colexios e institutos desenvolven clubs de lectura grazas ao...

0
— Este curso sumáronse 53 novos centros a esta iniciativa da Consellería de Educación, que financia con 400.000 € a adquisición de fondos e...

Medio milleiro de persoas obtiveron ou renovaron o ano pasado a habilitación como persoal...

0
A través dos cursos de seis horas realizados na Academia Galega de Seguridade Pública para adaptarse aos requisitos esixidos no decreto que regula as...

A Xunta aposta pola conservación de monumentos naturais de Galicia como a Praia das...

0
As rexistradas ata o momento roldan esa cifra, polo que se agarda que, malia as malas previsións meteorolóxicas, o número final se achegue á...

Publicacións Relacionadas