Home Xunta de Galicia Un proxecto innovador da Xunta e da USC sitúa a Meteogalicia á...

Un proxecto innovador da Xunta e da USC sitúa a Meteogalicia á vangarda mundial na difusión de información clara e accesible sobre a calidade do aire

- Anuncio -

— A proposta, que xa recibiu varios premios internacionais, baséase na aplicación de técnicas de intelixencia artificial para xerar de forma automática textos explicativos

— Grazas a esta nova aplicación, o organismo meteorolóxico mellora as descricións asociadas ao Índice de calidade do aire (ICA), que facilita á cidadanía a comprensión do estado do aire ambiente en toda a Comunidade, ofrecendo datos en tempo real

— Pola información recompilada ata o momento, MeteoGalicia será a primeira axencia meteorolóxica do mundo en contar cunha aplicación para a xeración automática de descricións en linguaxe natural para a información sobre a calidade do aire

Un proxecto innovador desenvolvido conxuntamente entre a Xunta e a Universidade de Santiago de Compostela sitúa a MeteoGalicia á vangarda mundial dos servizos meteorolóxicos pola facilidade de acceso e interpretación da información sobre a calidade do aire dispoñible na súa web.

Grazas a unha nova aplicación baseada en diferentes técnicas de intelixencia artificial, o organismo autonómico logrou mellorar a claridade e comprensión destes datos, que se transmiten á poboación desde hai anos a través do Índice de calidade do aire (ICA).

O sistema ICA2TEXT, en cuxo deseño e desenvolvemento traballaron xuntos o departamento de calidade do aire da Consellería de Medio Ambiente, Territorio e Vivenda e o Centro Singular de Investigación en Tecnoloxías Intelixentes da USC (CiTIUS), permite acompañar os gráficos e os datos numéricos amosados na páxina web con descricións textuais en linguaxe natural co obxectivo de facilitar que a poboación poida comprender mellor a información que se lle transmite.

Trátase dun proxecto moi novidoso e que xa lle valeu ao grupo responsable do traballo varios premios internacionais. De feito, pola información recompilada ata o momento, MeteoGalicia será a primeira axencia meteorolóxica do mundo en contar cunha aplicación propia para a xeración automática de descricións en linguaxe natural relacionadas coa información sobre a calidade do aire.

Datos en tempo real
Cómpre lembrar que o ICA calcúlase en Galicia a partir dos datos que emite en tempo real a completa rede autonómica de estacións de calidade do aire, parámetros que se amosan de forma simultánea a través da páxina web do organismo meteorolóxico.

Co fin de seguir mellorando a información que se lle ofrece ao usuario e facilitar a súa experiencia, decidiuse desenvolver ICA2TEXT no marco do proxecto Galiweather, que ten como fin a xeración dos prognósticos meteorolóxicos e de calidade do aire a curto prazo en linguaxe natural a partir dos datos de predición do organismo autonómico.

MeteoGalicia implanta deste xeito unha nova mellora na súa páxina web no marco da súa aposta pola actualización e mellora continua das súas ferramentas e instrumentos de traballo, grazas á cal mantén unha posición de referencia a nivel nacional e tamén europeo como un dos organismos máis importantes e punteiros no campo da meteoroloxía.

Relacionadas

Rueda destaca o patrimonio cultural, a paisaxe e a gastronomía como principais atractivos turísticos...

0
― Resalta que cómpre “coidar e facer sostibles” os elementos que identifican á comunidade porque o turismo “é unha parte moi importante da economía”...

A Xunta convoca axudas por 1,63 millóns de euros para impulsar proxectos de conservación...

0
— Ángeles Vázquez anuncia que desde mañá xa se poden pedir subvencións para obras, proxectos e campañas de sensibilización nestes espazos por importe de...

A Xunta destaca o papel do Programa Mentor na formación e emancipación de adolescentes...

0
O obxectivo é facilitar a mozos que están no sistema de protección as ferramentas que necesitan para que poidan desenvolverse tanto persoal como profesionalmente O...

Un total de 431 colexios e institutos desenvolven clubs de lectura grazas ao...

0
— Este curso sumáronse 53 novos centros a esta iniciativa da Consellería de Educación, que financia con 400.000 € a adquisición de fondos e...

Medio milleiro de persoas obtiveron ou renovaron o ano pasado a habilitación como persoal...

0
A través dos cursos de seis horas realizados na Academia Galega de Seguridade Pública para adaptarse aos requisitos esixidos no decreto que regula as...

A Xunta aposta pola conservación de monumentos naturais de Galicia como a Praia das...

0
As rexistradas ata o momento roldan esa cifra, polo que se agarda que, malia as malas previsións meteorolóxicas, o número final se achegue á...

Publicacións Relacionadas