O vicepresidente segundo e conselleiro de Presidencia, Xustiza e Deportes, Diego Calvo, participou hoxe na Coruña no acto de clausura do curso académico da Escola de Finanzas Business School 2021-2022, onde se referiu á formación como o mellor investimento de futuro para as persoas e o conxunto da sociedade.
O vicepresidente segundo destacou a importancia de actualizar coñecementos e competencias, a prol dun tecido empresarial capaz de afrontar os retos dunha sociedade en constante evolución. Nesta liña, incidiu no labor da Xunta para xerar emprego de calidade en Galicia, a través dunha aposta decidida polo emprendemento e a formación, e para cimentar un mercado laboral forte e competitivo.
