- “Están a poñerse en perigo os empregos dos nosos veciños”, protesta o alcalde, Andrés
- O peche ao tráfico pesado polo centro de Redondela está a crear un gran malestar en Pazos de Borbén polas molestias que ocasiona entre empresarios e veciños das parroquias de Amoedo, Cepeda e Nespereira. O alcalde, Andrés Iglesias, reuniuse onte con empresarios do polígono de Amoedo para atender as súas reclamacións e coñecer con exactitude a situación dos seus negocios e dos transportistas locais.
- Así, segundo indicou o alcalde, o peche ao tráfico pesado a través de Redondela e a PO-250 supón “unha decisión catastrófica para o polígono de Amoedo xa que pon en risco a viabilidade das empresas e en consecuencia a estabilidade laboral de moitos veciños de Pazos de Borbén”, explicou o rexedor, que engadiu que “un municipio non debería poder pechar o tráfico dunha estrada autonómica sen ofrecer unha variante lóxica. Máis aínda neste caso no que se trata dunha estrada ampliada hai non moitos anos pola clase de tráfico que soportaba”.
- Do mesmo xeito, Iglesias sinalou que esta decisión aumenta considerablemente o perigo da EP-2702, o outro viario de acceso ao polígono a través das parroquias de Nespereira e Cepeda. Unha estrada que “xa conta con notables deficiencias e que non está nin remotamente preparada para recibir todo o tráfico pesado que xera o polígono”.
- Desde o Concello de Pazos de Borbén, indicou o alcalde, ofrécense diferentes solucións ao problema, como regular o horario durante o día nos principais momentos de necesidade ou permitir o paso durante as noites. “O importante é atopar unha solución canto antes porque esta situación xa está a ter consecuencias moi negativas nas empresas”, destacou Iglesias.
- Novo proxecto para a EP-2702
Do mesmo xeito, Iglesias indicou que o Concello acaba de recibir o novo proxecto realizado pola Deputación de Pontevedra para a EP-2702, a única vía de acceso ao polígono industrial de Amoedo desde o peche imposto polo Concello de Redondela. Un proxecto que contempla unha lixeira ampliación conforme ao anterior, pero que, segundo indicou Iglesias, “se cadra non é suficiente se o Concello de Redondela non atende as nosas peticións. Se esa estrada ten que absorber o tráfico do polígono necesitará unha ampliación e un novo trazado nalgúns tramos xa que hai curvas tan pechadas que un vehículo de grandes dimensións non pode circular en condicións de seguridade”.
Por iso, o alcalde solicitou unha nova reunión coa presidenta da Deputación, Carmela Silva, “xa que coa decisión de Redondela o problema da EP-2702 agrávase aínda máis e é necesario executar a mellora canto antes”, concluíu Iglesias.
O concello de Pazos de Borbén e os empresarios do Polígono de Amoedo solicitan a reapertura do tráfico pesado en Redondela
- Anuncio -
Relacionadas
Os maios vestirán O Porriño esta fin de semana
Os grupos de música tradicional das asociacións culturais e veciñais amenizarán a festa o sábado pola tarde
O Porriño dá a benvida á primavera coa...
A concellería de Cultura a través da Biblioteca Pública Municipal de Baiona organiza un...
O próximo 17 de maio conmemoramos o Día das Letras Galegas que este ano se dedican a Luísa Villalta (A Coruña, 1957-2004), unha destacada...
A primeira xuntanza entre Manu Lourenzo e Luís López avanza proxectos para Soutomaior ...
O proxecto de humanización da praza da aldea, presentado polo concello de Soutomaior por valor de 170.000 euros, aprobarase na xunta de goberno de...
Redondela convida aos clubs deportivos a deseñar unha campaña contra a violencia de xénero...
- As concellerías de Deportes e Igualdade convidan aos clubs a propoñer un lema respondendo á pregunta “E ti, por que loitas?” dentro do...
Luis López amosa o apoio da Deputación ao tecido empresarial da provincia na inauguración...
O presidente provincial destacou a importancia da dixitalización do sector na estrea do Hubnet posto en marcha pola Cámara de Comercio en Vilagarcía e...
Francisco Castro en concerto en Mos para celebrar as Letras Galegas
Acompañado da Banda dos Borges, músicos de gran traxectoria e recoñecemento, ofrecerá un repertorio de cancións en galego da súa autoría, fusión musical entre...