• Luisa Piñeiro sinala que fronte á proposta dos populares “de traballar desde o primeiro día e que sabedes que é de fiar”, a alternativa é un pacto de perdedores “que é un foco de problemas, conflitos e polémicas”.
• Sito Gómez di que a súa ambición “será contribuír e avanzar no proxecto que leva transformando e modernizando Moraña nos últimos doce anos”.
A secretaria xeral do PPdeG, Paula Prado, sinalou hoxe que o candidato do PP á alcaldía de Moraña, Sito Gómez, e o seu equipo son “un seguro de vida” porque “levan Moraña no seu corazón, e ese é o primeiro paso e o máis importante”. Para ela, a candidatura é “a mellor garantía” de que esa Moraña que medrou con Luisa Piñeiro, que se consolidou con José Cela, e que tanto ten aínda por ofrecer, “seguirá sendo un concello referente en Galicia”.
Foi durante o xantar que se celebrou este mediodía na Carballeira de Santa Xusta para presentar a candidatura coa que o PP de Moraña concorre ás municipais do 28 de maio, e que reuniu a máis de 300 persoas, entre elas o presidente provincial, Luis López, e a secretaria xeral e número 2 de Moraña, Luisa Piñeiro. Paula Prado salientou que Luisa e José representan “o mellor” dos alcaldes e alcadesas que queremos no PP: “Cheos de enerxía e ilusión por dar o mellor de si mesmos cada día; de fiar; e que non veñen aprender, senón que veñen xestionar”. A ambos agradeceulles fondamente o seu labor polo partido en Moraña.
“Somos o único partido que é capaz de presentarse nos 313 concellos da nosa Comunidade, con 313 candidatos que teñen nomes e apelidos. Representamos a estabilidade, o rigor e o sentidiño, e levamos moitos anos demostrando por que se pode confiar en nós. Somos o Partido Popular e estamos moi orgullosos de pertencer a el”, rematou a número dous dos populares galegos.
Pola súa banda, Luisa Piñeiro pediu o apoio e confianza para Sito Gómez e para a candidatura do PP, “porque podedes estar ben seguros que é o mellor para seguir construíndo a Moraña que queremos”. Aproveitou a súa intervención para poñer en valor todo o feito durante os últimos 12 anos: “Demos o mellor de nós e creo que cumprimos en volcarnos co noso concello e no PP estamos orgullosos de todo o que fixemos por vós. Pero non nos chega, somos moi esixentes. E por iso queremos subir o listón e vos ofrecemos este novo proxecto, que combina a continuidade do moito ben feito cunha necesaria renovación, evolución e ansia constante de seguir mellorando por e para Moraña”.
Fronte á proposta dos populares, “que é traballar desde o primeiro día e sabedes que é de fiar” dixo que a outra alternativa pasa “exclusivamente” por un bipartito, “un pacto de perdedores que estará máis preocupado dos seus intereses persoais, postos e soldos que dos veciños. Unha coalición que, como vedes en moitos gobernos galegos, é un foco de problemas, de conflitos e de polémicas”.
Por último, o candidato amosouse agradecido por todo o apoio que está recibindo dos veciños e recoñeceu que afronta esta nova etapa “con moito entusiasmo, ilusión e gañas para traballar con humidalde, compromiso e proximidade”. Así, dixo que apostarán por unha educación de calidade, cunha oferta cultural atractiva, con novas infraestruturas deportivas, como por exemplo un circuíto de atletismo… “Pero a miña ambición principal será contribuír e avanzar no proxecto que leva transformando e modernizando Moraña nos últimos doce anos, primeiro con Luisa Piñeiro e nos últimos anos con José Cela”.
CANDIDATURA PP DE MORAÑA
- JOSÉ LUIS GÓMEZ FONTENLA
- MARÍA LUISA PIÑEIRO ARCOS
- ALBERTO CALDAS PEREIRA
- ADRIÁN FERNÁNDEZ ALBOR BATALLÁN
- MARÍA JOSÉ GARCÍA SUEIRO
- ANDREA DOMÍNGUEZ BÚA
- MARÍA DE LAS MERCEDES CAMPOS EIRÍN
- JAIME ABAL GONZÁLEZ
- ROCÍO BLANCO MONTÁNS
- JAVIER RUIBAL COUSO
- ELIANA RUBIANES VÁZQUEZ
SUPLENTES - JAVIER PORTELA MARTÍNEZ
- MARÍA ROCÍO AMEAL HERMIDA
- SILVIA LOUZÁN AGRA
- ADONIS SEÑORÁNS MAGDALENA
- MANUEL GARCÍA ARGIBAY
- MÓNICA MONTEAGUDO GAMALLO
- ROCÍO LORENZO PÉREZ
- FÉLIX ROMA NÚÑEZ
- JOSÉ MANUEL SUÁREZ RODRÍGUEZ
- JOSÉ CELA CAMIÑO
