Contan coa colaboración do Concello e os participantes sairán ás 16:30 horas desde San Antonio de Penalba
Cabaleiros de Campo Lameiro, en colaboración co Concello, organiza para este sábado 13 de abril a VII Xuntanza Cabalar que sairá ás 16:30 horas desde San Antonio de Penalba e rematará no mesmo lugar ás 21 horas cunha cea servida por cátering Fuchela e estará amenizada por Disco Móvil Lagarto.
Esta concorrida Xuntanza Cabalar percorrerá dun xeito circular os principais atractivos naturais e turísticos do municipio nun ambiente de camaradería e bo humor guiados polos Cabaleiros de Campo Lameiro.
Aquelas persoas que queiran participar nesta VII Xuntanza Cabalar terán que facelo canto antes xa que as prazas son limitadas e deberán inscribirse chamando aos teléfonos 647 17 39 24 (Yoli) ou 722 57 68 82 (Nerea).
O prezo da ruta por participante máis o pincho será de 30 euros; no caso dos menores de 14 anos o importe será de 15 euros e os que quieran só o pincho terán que pagar 5 euros.
A cea servida polo cátering Fuchela consistirá nun menú composto por langostinos á prancha e ao vapor, churrasco, bebidas, café e chupito.
Os inscritos deberán ter en conta que, aínda que se conta cun seguro da actividade, os propietarios dos cabalos que participen na VII Xuntanza Cabalar deberán facerse cargo dos danos que poideran ocasionar a súa montura, en caso de se producir.
