O alcalde de As Neves, José Manuel Alfonso, recibiu no salón de plenos ás gañadoras do Concurso de Postais de Nadal, nun acto cheo de ilusión e agradecemento pola participación activa da veciñanza. Durante o encontro, entregáronse os premios ás tres gañadoras, destacando o seu talento artístico e o espírito creativo que amosaron nas súas obras.
As premiadas foron:
- Claudia Rodríguez: 1º Premio
- Paula Durán: 2º Premio
- Ana Victoria Chamarro: 3º Premio
Ademais, o Concello aproveitou a ocasión para agradecer a todas as persoas participantes polo seu esforzo e dedicación. José Manuel Alfonso destacou que este tipo de iniciativas “non só fomentan a creatividade, senón que tamén fortalecen o espírito comunitario e o orgullo local”.
O Concello de As Neves lembra ao resto de participantes que poden pasar a recoller o seu agasallo pola súa contribución no concurso, visitando as instalacións municipais en horario de atención ao público.
Desde o Concello queren expresar o seu agradecemento máis sincero á veciñanza pola súa implicación, que converteu este concurso nun verdadeiro éxito.
Para máis información, poden contactar co Departamento de Cultura do Concello de As Neves.
