Os bombeiros do parque Provincial de Ribeira acudiron na tarde de onte, arredor das 18:20 horas, a unha intervención por vertedura de líquido hidráulico no Vilar, no concello de Porto do Son.
A vertedura, que se estendía ao longo de aproximadamente 200 metros de longo e 2 de ancho, foi causada pola avaría dunha plataforma de pluma articulada á que lle rompeu un latiguillo.
Dada a complexidade dos traballos, consistentes no espallamento do dispersante ao longo de toda a mancha para despois limpar con auga, os bombeiros solicitaron a colaboración da dotación de garda do parque Provincial de Boiro, dando por rematado o operativo sobre as 21:30 horas.
Participou tamén a Policía Local de Porto do Son.
