Os bombeiros do parque provincial de Ribeira tiveron que acudir na noite do mércores ata o lugar de Touro, no concello de Ribeira, tras producirse un accidente de tráfico por alcance entre un microbús e un turismo. O incidente saldouse cun ferido leve.
Ao chegar ao lugar dos feitos, os bombeiros procederon ós labores de limpeza na estrada dos restos dos vehículos implicados.
