Un total de 27 Asociacións de Nais e Pais reciben este curso axudas da Xunta para apoiar o seu labor

• A Consellería de Educación vén de resolver esta convocatoria, con subvencións de ata 10.000€ por entidade en función do seu tamaño e volume de actividade
• Mantén tamén unha liña de axudas ás anpas que xestionan comedores escolares, cun orzamento de 1.750.000€

Un total de 27 colectivos de nais e pais de alumnos benefícianse este curso das axudas da Xunta para apoiar o seu labor. A Consellería de Educación, Ciencia, Universidades e FP destina a este fin un orzamento de 66.298€, con apoios de entre 953€ e 9.898€ por entidade, en función do seu tamaño e volume de actividade. As subvencións, que se publicarán este xoves no Diario Oficial de Galicia, van dirixidas a asociacións, federacións e confederacións que as agrupan.

Con esta achega, as asociacións poden sufragar diferentes actividades ao longo do ano, así como os gastos derivados da xestión, administración, adquisición de material non inventariable e mantemento ordinario das súas instalacións. Estas axudas son compatibles con outras subvencións outorgadas por outras administracións públicas ou entes públicos ou privados, nacionais ou internacionais.

Ademais desta convocatoria, o departamento educativo do Goberno galego mantén tamén unha liña de axudas ás anpas que xestionan comedores escolares, cun orzamento de 1.750.000€, reforzada este ano nun 10%.

A relación de anpas, federacións e confederacións beneficiarias das axudas é a reflectida na seguinte táboa: