A Concellería de Educación do Concello de Ourense inicia unha nova edición do “Programa de Xadrez na escola”. Setecentos estudantes de 18 centros educativos da cidade participarán desta iniciativa ao longo do curso escolar. O seu obxectivo é achegar á rapazada os segredos do xadrez e os beneficios intelectuais que aporta a práctica desta disciplina milenaria, recomendada pola OMS e integrada nos sistemas educativos de máis de 70 países do mundo.
A concelleira Tamara Silva visitou esta mañá esta proposta educativa no CEIP Irmáns Villar. Os obradoiros son impartidos por adestradores titulados pola Secretaría xeral para o deporte, Consello Superior de Deportes e Federación Internacional-FIDE.
