O CEIP Xesús Golmar de Lalín e o IES Eusebio da Guarda foron os gañadores do concurso
O Auditorio Municipal de Ourense acolleu esta mañá a entrega de premios do Certame de Cinema Escolar 2026, no que participaron estudantes de 20 centros educativos de toda Galicia.
Esta actividade está organizada pola Concellería de Educación do Concello de Ourense coa colaboración da Xunta de Galicia, e ten como obxectivo impulsar o uso do idioma galego entre a mocidade, coñecer a visión xuvenil sobre a súa contorna sociocultural e fomentar a creatividade audiovisual e o traballo en equipo.
O acto contou coa asistencia da concelleira de Educación, Tamara Silva, o secretario xeral da Lingua, Valentín García, e das persoas integrantes do xurado: Marta Rodríguez, Manuela Maseda, Carmen Nogueira Blanco, Fernando González e Ana B. Cacabelos.
Relación de traballos premiados
1º premio (Categoría Infantil ou Primaria): Soñar, do CEIP Xesús Golmar de Lalín.
1º premio (Categoría: Demais niveis de ensino non universitario): Fogar, do IES Eusebio da Guarda.
2º premio (Categoría Infantil ou Primaria): Nariz de ouro, do CEIP Celso Emilio Ferreiro, de Cerdeda.
2º premio (Categoría Demais niveis de ensino non universitario): O avellón, do IES de Chapela (Vigo).
3º premio (Categoría Infantil ou Primaria): A sétima cara, do CEIP Nosa Señora de Xuvencos, de Boborás.
3º premio (Categoría Demais niveis de ensino non universitario): Palestina, do IES As Barxas, de Moaña.
Premio ao mellor guión (Categoría Infantil ou Primaria): Instrución para falar en galego, do CEIP José Cornide Saavedra, A Coruña.
Premio ao mellor guión (Categoría Demais niveis de ensino non universitario): Toda a verdade, do IES Río Miño, de Rábade.
Mención especial: Dona de min, do IES de Ch

