A Concellaría de Medio Ambiente organiza unha xornada de formación sobre produción de castañas, unha iniciativa na que contamos coa colaboración da Asociación Galega das Castañas e dos Soutos e de Coreber, e que será impartida por Miguel Ángel Vázquez de la Mata, de Viveros Castanea Sativa (Cubillos del Sil-León).
A xornada celebrarase o día 22 deste mes, de 16.00 a 21.00 horas, no Fórum Carballo. As persoas interesadas en participar poden anotarse ou ben no posto de Información (planta baixa da casa do concello), por teléfono no 981 704 100 ou descargando o impreso anexo e enviándoo cuberto a comunicacion@carballo.gal.
