· As actuacións consisten na reposición da cuberta da antiga escola de Santa Marta, a reparación dun tramo de 30 metros de acéiraa AC-162 na Lagoa, e o reforzo da iluminación pública en Vixoi.
O Concello de Bergondo licitou recentemente tres actuacións no municipio que, en conxunto, supoñen un investimento que supera os 60.000 euros. Concretamente, preténdese repoñer a cuberta da antiga escola de Santa Marta, en Ou Casal; reparar un pequeno tramo de 30 metros na marxe esquerda da AC-162 na Lagoa e reforzar a iluminación pública en Vixoi.
O proxecto da cuberta consiste na retirada do actual tellado do edificio, tanto a parte externa como o soporte, que presenta deficiencias polo paso do tempo, e substituílo por un novo, aproveitando para mellorar o illamento e a eficiencia enerxética do antigo colexio. Para isto, o Concello sacou a concurso a obra por 21.380 euros.
En canto á iluminación pública en Vixoi, é o proxecto que máis investimento significa deste paquete, ascendendo aos 25.146 euros. A actuación contempla a substitución de 20 farois por outras novas de tecnoloxía LED na estrada CP-0801 desde San Pedro Félix de Vixoi ata o cruzamento coa N-VI. Ademais, aproveitarase para substituír todo o antigo cableado por un novo, do mesmo xeito que sucederá cos cadros de iluminación.
Por último, contémplase a reparación da marxe esquerda da AC-162 na Lagoa, á beira da praia de Gandarío. A beirarrúa da vía colapsou hai pouco máis dun ano e, para garantir a seguridade das persoas que transitan por esta zona, o Concello proxecta unha reparación da zona actualmente valada.
Esta obra é independente da actuación de medio millón de euros que o Concello incluíu no POS 2025, que pretende renovar de forma integral (abastecemento, saneamento, iluminación e demais servizos) nunha zona máis extensa, ata o límite co municipio de Sada.
