test
Home A Coruña A ponte sobre a vía do tren en Bolo permanecerá pechado ao...

A ponte sobre a vía do tren en Bolo permanecerá pechado ao tráfico os próximos meses

- Anuncio -

● A infraestrutura sufriu danos importantes ao ter un accidente un vehículo pesado, que abandonou o lugar sen deixar os seus datos, cargando ao Concello co custo da reparación.

● O custo da reparación será de entre 50.000 e 80.000 euros.

● O goberno local informa de que queda terminantemente prohibido cruzar a ponte con calquera tipo de vehículo.

A ponte sobre a vía do tren en Bolo permanecerá pechado ao tráfico os próximos meses. Esta situación débese a que o pasado 1 de marzo un vehículo pesado -todo apunta a que se trataba dun camión cargado- atravesou esta ponte, facendo caer algunhas pedras do peitoril sobre a vía do tren.

Este accidente provocou que a ponte queda inutilizado para vehículos de calquera tipo, permitindo o paso unicamente aos peóns. Isto débese a que o paso de vehículos pon en risco a integridade da ponte, podendo causarlle aínda máis danos e poñendo en risco os trens que circulan pola vía.

A súa reparación completa obriga a cumprir os parámetros que esixe o Administrador de Infraestruturas Ferroviarias (ADIF) para manter a seguridade para a circulación ferroviaria. A actuación terá un custo de entre 50.000 e 80.000 euros, requirindo un proxecto redactado por técnicos competentes na materia.

O goberno local de Miño condena a actitude do condutor que causou os danos nesta infraestrutura, pois abandonou o lugar sen deixar os seus datos. Isto provoca que os custos da obra van recaer no Concello, é dicir, en todas e todos os miñenses.

Hai uns días, unha persoa non identificada moveu as pedras que impedían o paso de vehículos pola ponte, poñéndose a el ou ela mesmo en perigo, ademais de poder provocar novos derrubes sobre a vía férrea.
Desde o Concello de Miño queremos informar que queda totalmente prohibido mover os obstáculos que impiden pasar pola ponte, así como o paso con calquera tipo de vehículo.
Ademais, advertimos que a reparación e recuperación do uso da ponte demorarase polo menos uns meses. Isto débese á complexidade da obra, ao requisito indispensable de ter un proxecto específico, á necesidade da aprobación de ADIF e á dificultade de buscar financiamento.

Por último, rógase compresión ás persoas afectadas, á vez que se fai un chamamento a todos os veciños e veciñas que, no caso de ver un uso indebido das vías públicas por parte dos condutores, notifíquese ao Concello para evitar que situacións como esta volvan ocorrer no futuro.

Relacionadas

A avenida Alcalde Juan Bautista Santos Ramos xa é unha realidade

0
· Sandra Insua descubriu hoxe a nova placa, despois de que se aprobara nun pleno extraordinario a proposta do goberno local. · A rexedora destacou...

Ponteceso iza as súas treis bandeiras azuis nas praias de Balarés, Ermida e Osmo

0
Esta mañá foron izáronse no Concello de Ponteceso as bandeiras azuis correspondentes ás praias de Balarés, Ermida e Osmo.   No acto celebrado en Balarés participaron...

O Grupo Municipal Socialista insta á Xunta a paralizar as obras da senda ciclista...

0
Logo dun encontro coa asociación veciñal de Conxo Aberto aseguran que, logo de comezar as obras, “está demostrando que é unha actuación agresiva que...

Donaya Market abre as súas portas na Coruña

0
● A súa oferta gastronómica, enfocada na cociña asiática, aúna tapas e ramén. ● O local sitúase no centro da cidade na rúa San Andrés...

Un ano de caos e desgoberno en Culleredo: un ano tirado ao lixo

0
A falta de vontade de traballo evidénciase na deficiente prestación de servizos e na absoluta desatención das necesidades veciñais. O goberno municipal segue sen presentar...

Choque frontal na estrada AC-416 á altura do cruce da rúa Olveiras, en Carballo

0
Os bombeiros do parque comarcal provincial de Carballo foron alertados ás 01:39 da madrugada de onte dun accidente de tráfico na estrada AC-418 á...

Publicacións Relacionadas