Os técnicos do Plan de Control de Vertidos, dependente de Augas de Galicia, localizaron o foco no marco das inspeccións periódicas a instalacións empresariais
A Xunta vén de eliminar un punto de vertido de augas residuais ao río Seixedo ao seu paso polas proximidades de Vilarrodís, no municipio de Arteixo.
Os técnicos do Plan de Control de Vertidos da Xunta, dependente de Augas de Galicia, localizaron este foco no marco das inspección periódicas que se realizan ás instalacións industriais do municipio.
Nesta inspección, efectuada coa Gardería Fluvial de Augas de Galicia, detectáronse deficiencias e falta de mantemento no sistema de depuración de augas residuais da instalación, e a analítica do vertido confirmou o incumprimento do vertido.
Os inspectores da Xunta requiríronlle ao titular das instalacións para que adoptase as medidas oportunas coa fin de emendar o vertido.
Os resultados das recentes mostraxes efectuadas por parte do persoal de Augas de Galicia corroboraron que se levaron a cabo as correspondentes actuacións de mellora e adecuación do sistema de depuración das instalacións.
