• Os técnicos detectaron un risco de derrube na estrutura, pegada ao terreo de xogo
• O Concello aproveita a actuación para deixar o recinto preparado para unha futura ampliación
O Concello de Abegondo iniciou esta semana unha actuación de emerxencia no campo de fútbol de Ou Monte tras detectar o técnicos risco de caída dun muro. En concreto, trátase do muro traseiro, que linda coa chaira de area que se emprega como aparcamento e cun vial que rodea o recinto.
Segundo púidose comprobar, a acción dos temporais danou gravemente a estabilidade do muro. Ademais, a súa execución no seu día non foi a adecuada, polo que non respondeu correctamente as filtracións de auga.
Para evitar un maior perigo, dado que se atopa xunto ao propio terreo de xogo, o Concello procedeu con urxencia a derrubalo. Agora procédese a crear un novo con medidas de seguridade no noiro.
O goberno local ha decidido aproveitar a actuación para aumentar o recinto do campo. Desta forma, gáñase un espazo que no futuro poderá ser utilizado para ampliar o campo ou construír zonas auxiliares que incrementen as súas prestacións.
O vial urbanizarase de novo, desviándoo uns metros pola chaira de terra. As obras avanzan a bo ritmo para tratar de minimizar a afección sobre o uso do campo.
