Aberta ao tráfico a estrada AC-302 despois de que o temporal do día de onte producise a caída de varias árbores no tramo que vai dende a aldea da Tomada a Moldes.
No lugar estivo persoal da brigada de mantemento de estradas, persoas voluntarias da Protección Civil, Garda Civil de tráfico e bombeiros, ademais dunha empresa de traballos forestais, entre outros.
A circulación estivo interrompida dende a madrugada ata preto das 21.00 horas. Durante ese tempo efectuouse a retirada das árbores, procedeuse cos labores de mantemento da calzada e realizáronse traballos de acondicionamento na contorna.
