• A Reserva contará cun gran espazo na feira que empeza o venres na Coruña, con gran protagonismo para as empresas locais adheridas á marca de calidade
A Reserva de Biosfera Mariñas Coruñesas ofrecerá a súa aposta polo ecoturismo na feira Biocultura que empeza este venres 1 de marzo en Expocoruña. A entidade contará cun amplo espazo no evento, con recinto expositivo, recuncho para actividades e presentacións -chamado a Praza dá Biosfera-, zona infantil e oferta gastronómica.
Coa presenza en Biocultura, a Reserva quere seguir seguir dando a coñecer tanto entre o público especializado no sector como entre a cidadanía en xeral o seu “turismo diferente, sostible e implicando ao territorio “, sinala o presidente José Antonio Santiso.
Neste prisma son esenciais as empresas certificadas na marca de calidade que terán un protagonismo importante na feira. Así, a programación de Mariñas Coruñesas conta con presentacións e actividades a cargo de firmas do territorio.
Poderase coñecer a oferta de experiencias turísticas, incluíndo novas iniciativas, probar menús preparados por restaurantes da biosfera con produto local, e en xeral, comprobar a variedade de producións dentro do selo de calidade.
Un evento importante da programación será a entrega dos distintivos ás 11 novas empresas que se incorporan ao selo. Terá lugar o venres ás seis da tarde.
Tamén o venres presentarase a nova plataforma en liña que permitirá a comercialización do produto turístico da reserva, desenvolvida, grazas á colaboración co Club de Ecoturismo de España. E unha mesa redonda con diferentes responsables de marcas do territorio versará sobre as certificacións de calidade e os seus beneficios para o sector.
Ademais, sucederanse as exposicións das empresas da marca, talleres infantís e showcooking.
En definitiva, tratarase de tres días de intensa actividade nos que visitante ao espazo de Mariñas Coruñesas, poderá descubrir os potenciais que caracterizan á Reserva, que acaba de superar os 10 anos de vida.
