● Os populares lembraron a importancia das eleccións do 29N e agradeceron o papel de todos os participantes que son a forza do Partido Popular
O presidente local do Partido Popular, Rafa Domínguez, encabezou hoxe un pincho con máis de 100 apoderados e interventores que estarán nas colexios electorais da cidade de Pontevedra o vindeiro 29 de novembro. No acto participaron a secretaria local do Partido Popular e candidata ao Congreso nos vindeiros comicios Pepa Pardo, o presidente provincial do Partido Popular, Luís López, así como o resto de membros do partido a nivel local.
Desde o PP de Pontevedra lembraron a importancia de poñer a cidade do Lérez no mapa das prioridades do próximo Goberno do Estado e solicitaron a implicación de todos os interventores e apoderados que o vindeiro 29 de novembro estarán nos colexios electorais de Pontevedra. O líder do PP local, Rafa Domínguez, agradeceu a participación de todos os apoderados e interventores e lembroulles a súa importancia porque “vós sodes a forza do Partido Popular. E todos xuntos imos facer a Feijoo presidente de España”.
Pola súa banda, a número 2 da lista do PP ao Congreso por Pontevedra, Pepa Pardo, asegurou que temos ao mellor candidato posible, Alberto Núñez Feijóo, que coñece moi ben España, Galicia e, como todos sabemos, a provincia de Pontevedra e que se encargará de trasladar confianza e liderar o que cambio que tanto precisa o noso país.
Pardo trasladoulle aos interventores o seu agradecemento “á gran labor que facedes. Sodes unha ferramenta fundamental para estas eleccións, as máis importantes para España desde a Transición. Xogámonos todo. Temos que escoller entre decencia ou delincuencia e o voso papel sempre foi, é e será fundamental , porque sodes unha ferramenta clave para o Partido Popular. Fagamos que o 29N supoña un cambio para recuperar a decencia, a dignidade e a xestión que defenda o interés xeral de España e non o persoal de toda esa podredumbre que barreremos o vindeiro 29 de novembro”.
