• A XXIII Feira dá Cebola Chata de Miño, a III Feira dá Cultura EnCamiño, cinema ao aire libre, exposicións, concertos ou cursos deportivos son só algúns dos exemplos desta ampla e variada oferta.
• Na nova páxina web poderán descargarse as follas de inscrición das Escolas Municipais de pádel e patinaxe.
A revista de actividades culturais e deportivas de Miño desvelou as múltiples citas ás que as e os miñenses poderán acudir este verán, durante os meses de xuño, xullo, agosto e setembro. Na publicación poden consultarse tanto as organizadas pola Administración local como por parte doutras entidades do municipio.
A XXIII Feira dá Cebola Chata ou a III Feira dá Cultura EnCamiño, cinema ao aire libre, exposicións,
concertos ou cursos deportivos son só algúns dos exemplos desta ampla e variada oferta.
Haberá, como de costume, Escolas Náuticas Municipais, cursos de tenis, pádel ou patinaxe. Para estas dúas últimas, as persoas interesadas poderán descargarse as follas de inscrición na nova web municipal.
Como mencionabamos anteriormente, á oferta municipal súmanselle tamén as actividades organizadas polas asociacións de Miño, cada unha dentro do seu ámbito de actuación.
Así, participarán nas actividades de verán colectivos como a Asociación Veciñal Xarío, a Asociación de Veciños A Irmandade de Bemantes, o Club Marítimo de Perbes, as comisións de festas de Callobre, Bemantes e Bañobre, a Confraría de Pescadores ou a Asociación Protectora de Animais ‘Xuntos as Mariñas’.
