Home A Coruña O Goberno municipal e a Marea Atlántica acordan ampliar a oito horas...

O Goberno municipal e a Marea Atlántica acordan ampliar a oito horas a gratuidade das escolas infantís e un modificativo de 6,5 millóns para investimentos

- Anuncio -

Aprobarase todo nun pleno extraordinario este 29 de novembro, e asignaranse fondos para a Cidade das TIC, o Club do Mar, o campo de fútbol de Eirís e o apoio á economía social, entre outros asuntos

O pacto inclúe a modificación do regulamento das escolas infantís municipais, para ampliar o servizo gratuíto ata as oito horas diarias

A alcaldesa da Coruña, Inés Rey, e a voceira da Marea Atlántica, María García, anunciaron hoxe un acordo entre o Goberno municipal e o grupo municipalista para aprobar un modificativo de crédito de 6,5 millóns de euros, que destinará fondos a investimentos no eido económico, social, educativo e deportivo, entre outros. Esta modificación do orzamento de 2022 aprobarase inicialmente nun pleno extraordinario o vindeiro martes 29 de novembro, e permitirá impulsar o proxecto da Cidade das TIC, o reequilibrio económico do Club do Mar, a construción do campo de fútbol de Eirís e unha nova liña de axudas para a consolidación da economía social, entre outras cuestións. O acordo tamén inclúe unha modificación do regulamento da Rede de Escolas Infantís Municipais, que se levará ao mesmo pleno e que permitirá ampliar o servizo gratuíto ata as oito horas diarias.

A alcaldesa e a voceira da Marea Atlántica compareceron ante os medios para anunciar
 estas medidas tras manter un encontro de traballo no que avaliaron a situación da cidade e o estado dos acordos asinados neste mandato entre ambos os dous grupos políticos.

En palabras da alcaldesa, Inés Rey, “con este acordo mobilizamos 6,5 millóns de euros que nos permitirán dar un impulso relevante a infraestruturas fundamentais como a Cidade das TIC ou o Campo de Fútbol de Eirís, axudar á reactivación económica da cidade e seguir colaborando coas entidades deportivas e apoiando ás familias”.

Pola súa banda, María García, ficou satisfeita cos resultados deste pacto, “que atende a asuntos urxentes e reclamados pola veciñanza e fai avanzar acordos decisivos entre a Marea Atlántica e o PSOE, porque unha das nosas obrigas como representantes públicas é ofrecer solucións”. E engadiu que “tras o desbloqueo do programa ‘Mover os Baixos’ esta mesma semana, que nos permite poñer a disposición da veciñanza un programa innovador fronte ao problema dos locais comerciais baleiros, hoxe volvemos colaborar en medidas que benefician á Coruña”.

Principais investimentos

O modificativo de crédito anunciado hoxe adaptará os orzamentos 2022, que tamén se
 aprobaron como froito dun acordo entre o Goberno municipal e a Marea Atlántica, para destinar os tres millóns de euros necesarios para asinar o convenio entre o Concello e a Universidade da Coruña para impulsar a Cidade das TIC, un proxecto estratéxico no que a Administración local debe ter parte. Deste xeito, apóiase o avance das instalacións de Pedralonga, na antiga Fábrica de Armas, que axudarán a consolidar á Coruña como a capital do sector TIC en Galicia, e que son decisivas nunha cidade candidata a albergar a sede da Axencia Estatal de Supervisión da Intelixencia Artificial (AESIA).

O modificativo tamén destina 470.000 euros como achega de capital á Empresa Municipal de Vivenda (EMVSA), reforzando o papel desta empresa pública que deberá, entre outras cousas, asumir a creación dunha bolsa de alugueiro de locais comerciais dentro do programa ‘Mover os Baixos’ e seguir potenciando a xestión de BiciCoruña.

No eido deportivo, súmanse uns 640.000 euros para contratar obras de mellora no campo de fútbol de Eirís, coa construción de vestiarios e un peche perimetral, completando o servizo deste equipamento.

Ademais, mobilízanse 200.000 euros para a creación dunha nova convocatoria destinada á consolidación da economía social e o cooperativismo, nunha aposta por modelos económicos de proximidade e cun retorno moi positivo para a cidade.
O proxecto de rehabilitación das vivendas sociais do Ventorrillo suma 90.000 euros (ata un total de 470.000) para cubrir o incremento do custo dos materiais nunha iniciativa longamente demandada no barrio. E mobilízanse 155.000 euros para poñer en marcha subvencións destinadas ao sector do taxi para favorecer o uso de combustibles alternativos.

O Club do Mar, unha entidade sen ánimo de lucro e histórica na Coruña, tamén recibe atención neste modificativo, cunha achega total de 90.000 euros en concepto de reequilibrio económico e mediante un convenio extraordinario para axudar ao club de forma transitoria.

Oito horas de servizo gratuíto nas escolas infantís

No marco deste acordo entre o Goberno municipal e a Marea Atlántica levarase a cabo unha modificación do regulamento da Rede de Escolas Infantís Municipais, para facer posible o financiamento de oito horas de servizo gratuíto, ampliando as seis que se prestan actualmente.

Neste punto, tanto Inés Rey como María García destacaron que A Coruña foi pioneira, no curso 2020-2021, en facilitar o acceso de balde ao ensino de 0 a 3 anos, e que agora o Concello dá un paso máis para mellorar a atención á veciñanza. E non grazas á Xunta de Galicia, que dedica máis fondos a financiar escolas infantís privadas que a apoiar as da rede pública municipal.

No ámbito educativo, a modificación orzamentaria tamén sumará 180.000 euros para a obra de mellora nos colexios Cidade Vella, Ramón de la Sagra, María Pita, Sagrada Familia e Concepción Arenal.

Relacionadas

Greca gaña por partida dobre a VII edición de Boucatise, o Festival Bocata Gourmet...

0
A proposta ‘Chapata de cerdo ao estilo Shin Chan’ fíxose co premio “Mellor Bocata Boucatise 2022” e tamén co galardón “Mellor Bocata Boucatise-Maridaxe Estrella...

A Xunta de Galicia incrementa o importe nos Orzamentos 2023 para o Concello de...

0
• O Partido Popular de Arzúa responde ao descoñecemento do BNG de Arzúa sobre os orzamentos da Xunta para o concello. Dende o Partido Popular...

A Pobra enxalza a produción literaria de García Martí

0
Un ano máis, o Concello da Pobra do Caramiñal reivindica o legado dun dos veciños máis ilustres: Victoriano García Martí. A cuarta edición do...

Inés Rey: “Grazas ás entidades da cidade as nosas iniciativas no ámbito da discapacidade...

0
A alcaldesa presidiu a sétima edición da campaña ‘Baixo o mesmo paraugas’, que se celebrou este sábado no Parrote A alcaldesa da Coruña, Inés Rey,...

O Concello e a FREMSS celebran unha nova xornada divulgativa e de degustación na...

0
Esta actividade forma parte da campaña para promover o selo de orixe ‘Peixe da lonxa da Coruña’ Este sábado, 3 de decembro, celebrouse unha nova...

O BNG de Ponteceso denuncia a utilización do orzamento municipal por parte do alcalde...

0
Fátima Rodríguez Gonzálvez lamenta que a esperpéntica situación da corporación municipal prive á cidadanía dos investimentos que precisa Este luns volvemos a asistir a un...

Publicacións Relacionadas