test
Home Terra de Celanova A Bola A Bola acolle as reunións de traballo do xeodestino “Terras de Celanova-Serra...

A Bola acolle as reunións de traballo do xeodestino “Terras de Celanova-Serra do Xurés”

- Anuncio -

A Mesa de Calidade Turística neste xeodestino constituíuse coa adhesión xa de 13 servizos turísticos “para continuar coa nosa estratexia de traballar a prol dun destino acreditado co Sistema Integral de Calidade Turística”, dixo Rosendo Fernández

Por outra banda, celebrouse a comisión de seguemento do xeodestino, conformada polos concellos integrantes e o Inorde -como ente xestor do mesmo-, para aprobar a liquidación da anualidade de 2023 e deseñar o plan de actuacións deste ano

A Casa Consistorial de A Bola acolleu as reunións de traballo do xeodestino “Terras de Celanova- Serra do Xurés”. A primeira delas foi a constitución da Mesa de Calidade Turística “para continuar coa nosa estratexia de traballar a prol dun destino acreditado co Sistema Integral de Calidade Turística”, sinalou o presidente do Inorde, Rosendo Fernández.

A Mesa de Calidade Turística no xeodestino “Terras de Celanova-Serra do Xurés” está integrada polas seguintes entidades: o Concello de A Bola -representado pola súa alcaldesa que asiste como deputada provincial da zona-, a Axencia de Turismo de Galicia -presente a través do xefe da área de xestión de calidade-, a Universidade de Vigo -representada polo vicerreitor do Campus de Ourense-, a Asociación de Comerciantes, Hostelería e Empresarios da Vila de Celanova (CHEA) (tamén en representación da CEO) -presente a través do seu presidente-, a Asociación Limia Verde – representada polo seu presidente -, a Asociación de Axencias de Viaxes de Galicia -presente a través do seu delegado en Ourense.

Nesta primeira etapa, xa se adheriron ao destino “Terras de Celanova-Serra do Xurés” ata 13 servizos turísticos, que xa completaron tanto a formación como a avaliación. Unha vez analizadas estas propostas pola Mesa de Calidade, serán elevadas ao Comité de Distinción Nacional, que se celebrará o vindeiro mes de xuño.

Estes servizos turísticos son: Acouga Hotel Boutique de Celanova, a oficina de información turística “Porta do Parque” de Lobeira, o Hotel Celanova, a vivenda de uso turístico “Celanova House”, os aloxamentos rurais de Ramirás “Casa da Fonte” e “Casa Ramirás”, a guía de turismo Berta María López Paz, os bares e cafeterías de Celanova “Café Bar Novo América” e “Casaberta”, e os restaurantes “Mesón Vieira” de Celanova, “Restaurante Casa Ramirás”, “Restaurante Alquimia” de Celanova, e “Restaurante O Muiñeiro” de Barbadás.
Comisión de seguimento do xeodestino

Por outra banda, tamén se celebrou a comisión de seguemento do xeodestino, conformada polos concellos integrantes e o Inorde -como ente xestor do mesmo- para aprobar a liquidación da anualidade 2023, así como para deseñar as actuacións que se levarán a cabo ao longo deste ano. Estas accións están orientadas a continuar co impulso ao SICTED e a promocionar este territorio en canles profesionais que, en todo caso, requiren de sinerxías entre o sector público e o tecido turístico do xeodestino.

Os concellos que integran este xeodestino son: A Bola, A Merca, Bande, Barbadás, Cartelle, Celanova, Entrimo, Gomesende, Lobeira, Lobios, Muíños, Padrenda, Quintela de Leirado, Ramirás e Verea.

Relacionadas

O Clínic de Baloncesto da Deputación volve como cita de referencia na formación de...

0
A Deputación de Ourense, da man da Federación Galega de Baloncesto e a Escola Galega de Adestradores (EGA), presenta a XXIV edición deste evento...

A Deputación recibe aos campións de Galicia en fútbol sala cadete, o Maceda Futsal

0
O vicepresidente segundo e deputado de Deportes, César Fernández, recibiu esta mañá no salón de plenos do Pazo Provincial aos campións de Galicia de...

A Deputación destina preto de 600.000 euros á cooperación cos concellos e con entidades...

0
A Xunta de Goberno da institución provincial vén de aprobar o Plan de publicacións para este ano, así como as bases reguladoras da convocatoria...

O Concello realiza desde hoxe traballos de limpeza e acondicionamento da zona termal e...

0
O Concello de Ourense realiza desde hoxe traballos de limpeza e acondicionamento do espazo termal e de lecer do Muiño da Veiga, coa finalidade...

A Deputación felicita ao equipo infantil do COB logo de situarse no posto duodécimo...

0
O vicepresidente segundo e deputado de Deportes, César Fernández, recibiu esta mañá no salón de plenos do Pazo Provincial ao equipo infantil do COB,...

O Centro de Información Municipal ás Mulleres do Concello trasládase á rúa Vasco da...

0
O Centro de Información Municipal ás Mulleres (CIMM) do Concello de Ourense traslada desde maña, martes, día 25 de xuño as súas dependencias ao...

Publicacións Relacionadas