O Pleno Ordiario do Concello de Salceda de Caselas celebrado o pasado Xoves 29 de Agosto aprobou por unanimidade a moción presentada polos concelleiros do PSdeG PSOE, Xurxo Gregorio e Saúl Olmo e defendida polo primeiro.
O Grupo Municipal Socialista pediu en devandita moción instar o goberno municipal a que lle solicite á Confederación Hidrogŕafica do Miño-Sil o seu compromiso de inversión co Concello de Salceda, en concreto na finalización da senda fluvial do Río Caselas en Entenza.
Dado que nos últimos tempo a CHMS comezou a facer inversións en saneamento noutros concellos, a petición do grupo socialista acompañouse dunha solicitude de darlle prioridade a levar esa inversión o comezo de obras de saneamento na parroquia de Entenza.
A moción do Grupo Socialista foi apoiada por todos os grupos representados no consistorio salcedense. O Grupo do PSdeG-PSOE considera esencial trasladar todos os recursos posibles a obras de saneamento imprescindibles sobre todo nas parroquias de Entenza e Soutelo.
Os concelleiros do PSdeG-PSOE tamén solicitaron que se informe as veciñas e veciños dos trámites a seguir para o baleirado de fosas. Esta tarefa que está sendo levada a cabo polo Consorcio de Augas do Louro, aínda non é coñecida pola veciñanza na súa totalidade, e en moitos dos casos xera dúbidas a solicitude do servizo entre as posibles persoas usuarias que o poden necesitar.
O Pleno de Salceda deste pasado Xoves tamén aprobou renovar o Servizo de Atención Temperá, servizo mancomunado co Concello de As Neves, dirixido para nenas e nenos de 0 a 6 anos que tamén puxo en funcionamento unha Concelleira Socialista, Gela Ledo na anterior lexislatura.
