Home Deputacións Deputación Ourense A Deputación apoia a candidatura da agrupación de concellos de Manzaneda e...

A Deputación apoia a candidatura da agrupación de concellos de Manzaneda e Chandrexa de Queixa como Capitalidade da Montaña Española 2024

- Anuncio -

A proposta quere dar a coñecer os recursos e potencial destes territorios rurais de alta montaña, con especial atención aos espazos naturais protexidos nesta zona do Macizo Central

O presidente da Deputación, Luis Menor, coñeceu os detalles da candidatura na reunión que mantivo cos alcaldes de ambos municipios: Amable Fernández por Manzaneda, e Francisco Rodríguez de Chandrexa de Queixa. Destacou o labor realizado para “definir unha estratexia que sirva de revulsivo para estes municipios e sobre todo abrir unha nova porta ao relanzamento da estación de montaña”

A iniciativa destaca a riqueza natural, paisaxística, ambiental e patrimonial de ambos municipios, a cooperación que manteñen na loita contra o despoboamento no rural e a existencia da única estación de montaña de Galicia, ademais da pertenza ao xeodestino e Consorcio de Turismo da Ribeira Sacra

A Deputación de Ourense prestará o seu apoio institucional á candidatura promovida pola agrupación de concellos de Manzaneda e Chandrexa de Queixa como Capitalidade da Montaña Española 2024, que pretende para dar a coñecer os recursos e potencial destes territorios rurais de alta montaña, con especial atención aos espazos naturais protexidos nesta zona do Macizo Central.

O presidente da Deputación, Luis Menor, coñeceu esta mañá os detalles da candidatura durante a reunión que mantivo no Pazo Provincial cos alcaldes de ambos municipios: Amable Fernández por parte de Manzaneda, e Francisco Rodríguez de Chandrexa de Queixa, acompañados polo deputado de Turismo e presidente do Inorde, Rosendo Fernández. Luis Menor valorou o labor realizado por ambos rexedores para “definir unha estratexia que sirva de revulsivo para estes municipios, e sobre todo abrir unha nova porta ao relanzamento da estación de montaña”.

Con esta proposta, Manzaneda e Chandrexa de Queixa tentan alcanzar por segunda vez a distinción como Capital da Montaña Española, candidatura que quedou como segunda finalista en 2023 no proceso de selección que cada ano promove a Asociación Española de Municipios de Montaña. Co aval da Deputación, a través do Inorde, e da Axencia de Turismo de Galicia, a opción ourensá loitará pola distinción na asemblea xeral de citada asociación, prevista para os días 3 e 4 de outubro.

A agrupación local Manzaneda-Chandrexa de Queixa inclúe seis recursos e potenciais destacados para a súa candidatura, comezando pola gran riqueza natural e ambiental de ambos os dous municipios, onde o 77,62 % do territorio conxunto está incluído na Rede Natura 2000, clasificado como zona de especial protección na área de montaña do Macizo Central.

Destaca tamén o documento a gran riqueza paisaxística e valores ambientais, con zonas pouco coñecidas como o val Glaciar de Prada e das Aguilladas en Manzaneda, e o das Forcadas e Requeixo en Chandrexa. A cultura e o patrimonio histórico e etnográfico son outros factores sobresaíntes: a muralla e a vila medieval de Manzaneda, Ben de Interese Cultural desde 1949, así como vestixios castrexos. Muíños, curros e lagares constitúen os elementos destacados de Chandrexa. Ambos concellos, ademais, subliñan a cooperación que manteñen na loita contra o despoboamento no rural.

Valores da candidatura

A existencia neste territorio da única estación de montaña de Galicia é, sen dúbida, un principais valores da candidatura, destacando a capacidade de aloxamento turístico e de infraestruturas para a organización de eventos de alta calidade, sen esquecer a pertenza ao xeodestino e Consorcio de Turismo da Ribeira Sacra.

Para Amable Fernández e Francisco Rodríguez, o elemento que diferenza a proposta radica “nun novo modelo de agrupación de servizos e colaboración entre pequenos concellos de montaña”. Así, e xunto con outras actividades que xa se veñen celebrando como congresos e outro tipo de eventos, a candidatura formula outras iniciativas como un taller científico-técnico sobre vales glaciares da península ibérica; unha exposición de gando silvopastoril e dos oficios tradicionais; e xornadas sobre cociña de montaña, fermosismo no Macizo Central para a mellora e integral ambiental de zonas deslabazadas e unha cita coas músicas e bailes tradicionais de montaña.

Relacionadas

A Deputación destina preto de 500.000 euros a obras en diferentes municipios da provincia

0
Allariz, Boborás, Cortegada, Lobios, A Merca, Paderne de Allariz, Pereiro de Aguiar, San Xoán de Río e Castrelo de Miño recibirán as achegas para...

Luis Menor compromete o apoio da Deputación para dar pulo á FP, poñendo a...

0
O presidente do goberno provincial así o anunciaba hoxe durante a presentación do programa Innovatech FP da Xunta de Galicia, no Centro Galego de...

O alcalde inaugura as obras de acondicionamento e mellora das rúas Valle Inclán, Ramón...

0
Completan a remodelación de 6 rúas do centro da cidade, cun investimento total de 2,2 millóns de euros “É unha grande mellora do centro da...

Luis López inaugura a senda peonil do Foxo Vello, en Mos, na que a...

0
O presidente da Deputación completou parte dun itinerario que ten como obxectivo mellorar a seguridade viaria e potenciar a mobilidade peonil na contorna do...

Esgotadas as prazas para a sexto ruta ornitolóxica “Voando nas Rías Baixas” no Esteiro...

0
A andaina gratuíta para a observación de aves que se desenvolverá no concello da Guarda terá lugar o próximo día 8 de outubro En menos...

Máis de 100 persoas xubiladas da provincia comezan esta semana novos obradoiros de “Depo...

0
As actividades formativas deste programa co que a Deputación está a promover o envellecemento activo e a independencia das persoas maiores na provincia comezan...

Publicacións Relacionadas