Son asociacións, confederacións, federacións, unións de asociacións de veciños e asociacións de mulleres rurais que recibirán contías entre os 6.800 e os 10.000 euros
“Estamos ao carón das entidades que constrúen territorio e que fan que esta provincia avance como non fixo nos últimos anos”, asegurou o presidente Luis López
A Deputación de Pontevedra aprobou o reparto de máis de 220.000 euros do Programa de Acción Comunitaria, coñecido como Plan Provincia Comunitaria 2024, entre 25 asociacións, confederacións, federacións, unións de asociacións de veciños e asociacións de mulleres rurais de sete concellos das contornas do Salnés e Arousa, que recibirán contías entre os 6.800 e os 10.000 €. “Estamos ao carón das entidades que constrúen territorio e que fan que esta provincia avance como non fixo nos últimos anos”, asegurou o presidente provincial, Luis López, que lembrou que, con estas axudas, búscase “potenciar a capacidade das asociacións, mellorar a calidade de vida local e os equipamentos veciñais e contribuír á implantación homoxénea destas entidades en todo o territorio”.
En concreto, en Cambados a Asociación de Veciños O Batuqueiro de Vilariño recibirá 7.129 €, a Asociación de Mulleres Rurais A Seca de Corbillón 9.804 € e a Asociación de Mulleres Rurais de Castrelo-As Saíñas 7.256 €; en Meis contarán con 10.000 € a Asociación Mulleres Rurais Os Pazos e a Asociación de Mulleres Rurais O Marco de San Salvador; en Ribadumia a Asociación de Veciños San Andrés de Barrantes recibirá 9.293 €; en Sanxenxo a Asociación de Veciños San Juan de Dorrón contará con 9.873 €, a Asociación de Veciños O Salnés de Villalonga con 9.908 € e a Asociación de Mulleres Rurais A Candelaria con 10.000 €, e en Valga a Asociación Cultural e Veciñal Santa Lucía de Cordeiro contará con 6.929 €, a Asociación Veciñal Sociocultural de Cerneira con 8.619 €, a Asociación de Veciños Cultural e Deportiva de Cordeiro con 9.930 €, a Asociación Veciñal e Cultural Vilarello con 10.000 €, a Asociación Cultural e Veciñal de Casal do Eirigo con 8.895 € e a Asociación Veciñal Músico-Cultural Xanza con 9.922 €.
Ademais, en Vilagarcía de Arousa a Asociación Mulleres Rurais Anduriña de Sobradelo VI contará con 9.112 €, a Asociación de Veciños San Miguel de Trabanca-Badiña con 9.546 €, a Asociación de Veciños Fonte da Coca con 7.573 €, a Asociación Mulleres Rurais e Consumidoras de Trabanca Badiña Sardiñeira con 7.550 €, a Asociación de Veciños Breogán de Piñeiriño con 6.729 € e a Asociación de Veciños Afoghacristos de Carril con 7.496 €. Pola súa banda, en Vilanova de Arousa a Asociación de Mulleres Rurais O Campanario recibe 6.790 €, a Asociación de Mulleres Rurais As Aceñas de Baión e a Asociación de Mulleres Rurais O Mouriño contarán con 10.000 € e a Asociación de Mulleres Rurais Lolita Trigo Vilanova con 9.914 €.
Grazas a estas axudas, no conxunto da provincia 170 asociacións e federacións de 44 concellos poderán executar obras de acondicionamento, reforma ou ampliacións de locais e outros espazos ou adquirir equipamentos que melloren os seus servizos. A partir de agora, as entidades terán un prazo de seis meses para executar e xustificar as actuacións.
