O presidente da Deputación de Pontevedra, Luis López, fixo entrega a ás comunidades de auga beneficiarias do Plan +Aqua de Vigo e do sur da provincia dos documentos acreditativos destas axudas. Nesta área son 108 as entidades de 23 concellos (A Cañiza, Arbo, Baiona, Covelo, Crecente, Fornelos de Montes, Gondomar, Mondariz, Mos, As Neves, Nigrán, Oia, Pazos de Borbén, Ponteareas, O Porriño, Redondela, O Rosal, Salceda de Caselas, Salvaterra, Tomiño, Tui e Vigo) as que se benefician deste plan.
En total, estas entidades reciben máis dun millón de euros para desenvolver proxectos relacionados coa mellora das infraestruturas e instalacións de auga comunitaria; implantación de sistemas de dixitalización e eficiencia enerxética que melloren a calidade da auga; a modernización dos sistemas de tratamento; a legalización das novas concesións ou renovación das existentes ou a mellora das captacións e sistemas de almacenamento.
