O presidente da Deputación de Pontevedra, Luis López, participou este domingo nos actos da quincuaxésimo sexta edición da Feira do Cocido de Lalín. Xunto ao presidente da Xunta, Alfonso Rueda, o rexedor lalinense, José Crespo, e outros cargos da Xunta, da Deputación e do Concello; o mandatario provincial asistiu a todos os actos do programa: a cerimonia da Encomenda do Cocido, o percorrido pola feira, a presenza na lectura do pregón a cargo da escritora Yolanda Castaño e, finalmente, no tradicional xantar oficial da festa.
Na xornada participaron tamén o vicepresidente Rafa Domínguez e os deputados provinciais Nava Castro e Javier Tourís.
