Home Lugo O proxecto “Gústame o meu río, ensíname a coidalo” recoñece aos mellores...

O proxecto “Gústame o meu río, ensíname a coidalo” recoñece aos mellores coidadores de ríos en Fonmiñá (A Pastoriza- Lugo)

- Anuncio -

300 nenos e nenas das provincias de Lugo, Ourense, Pontevedra e León, celebraron, durante 2 días, unha posta en común do aprendido

Proxecto que se iniciou en 2018 e traballaron máis de 1250 alumn@s de toda demarcación hidrográfica

A través de accións dinámicas, entretidas e participativas, descóbrese a necesidade coidar o medio natural e o protagonismo individual na xestión hidráulica e na protección do medio ambiente

José Antonio Quiroga, presidente da Confederación Hidrográfica do Miño-Sil (CHMS), organismo autónomo dependente do Ministerio para a Transición Ecolóxica e o Reto Demográfico, e Primitivo Iglesias, alcalde da Pastoriza, asistiron á presentación e posta en común dos traballos realizados polos alumnos e alumnas de 5º e 6º de primaria participantes en proxecto “Gústame o meu río, ensíname a coidalo”, durante o curso escolar 2022-23.

O acto foi celebrado no centro de información recentemente construído pola CHMS nun lugar tan emblemático como é A Lagoa de Fonmiña e os colexios participantes deste ano CEIP BRETOÑA da Pastoriza, CEIP Ou SALVADOR de Meira, CEIP FREI LUÍS DE GRANADA de Sarria, CEIP NAVALIEGOS de Ponferrada, CEIP CURROS ENRIQUEZ de Celanova, CPI ANTONIO FAILDE de Coles e CEP PEDRO CASELLES de Tomiño, gozaron de senllas xornadas nas que se fixo unha posta en común do aprendido nos distintos talleres educativos e o recoñecemento aos mellores guardarríos.

A Confederación Hidrográfica do Miño-Sil aposta pola educación e a sensibilización ambiental da poboación, desde a infancia, potenciando o valor ambiental dos ríos da conca e concienciando sobre a importancia da protección e conservación dos ecosistemas fluviais, especialmente nos momentos de escaseza de auga.

“Naceu pola necesidade de poñer en valor o coidado e o respecto polos ríos e concienciar sobre a importancia de bo uso da auga nunha zona privilexiada por abundancia do recurso, o que dificulta máis, se cabe, esa concienciación” engadiu o presidente

O proxecto

Cada centro escolar dos seleccionados para participar recibe unha charla de presentación do proxecto no centro educativo e realiza tres visitas ao río en diferentes épocas do ano co obxectivo de poder observar a dinámica do ecosistema fluvial. O alumnado descobre a través de accións dinámicas, entretidas e participativas a necesidade da protección e coidado do medio natural e que eles son parte protagonista tanto na xestión hidráulica como na protección do medio ambiente.

É necesario comprender que os recursos naturais e os ecosistemas que os sustentan son limitados, que é necesario valorar a auga non só como recurso, senón como factor crave no sustento dos ecosistemas.

A clave é aproximar aos escolares ao río e ao medio natural que os rodea e realizar actividades didácticas, menos formais, distendidas e divertidas co interese de aumentar coñecemento e respecto sobre as diferentes especies de fauna e flora dos ecosistemas fluviais máis próximos ás súas cidades e pobos.

Ademais de promover no día a día dos escolares aquelas actitudes respectuosas no consumo de auga e doutros recursos naturais, así como o boca a boca das mesmas entre os seus amigos e familiares. “Formais parte dunha nova xeración que aprende e valoriza a riqueza natural da contorna e a necesidade de conservalo”, agradeceulles o presidente.

“A auga é un recurso fundamental e escaso para os ser vivos, no que debedes implicarvos por ser de vital importancia en todos os ámbitos da vida, sen auga non hai progreso, o que nos dá a clave para afirmar que a sustentabilidade é a base de todo” incidiu o presidente.

O acto de posta en común e recoñecemento aos mellores guardarríos desenvolveuse na LAGOA DE FONMIÑA, concello da Pastoriza, moi próximo ao PEDREGAL DE IRIMIA, dous puntos crave no nacemento do río MIÑO. Nesta paraxe singular a CHMS está a concluír a construción dun centro de información dos valores e da riqueza fluvial da demarcación do Miño-Sil.

A localización da edificación nesta pequena lagoa de 350 m2, de orixe Kárstico, emerxen as augas subterráneas de mananciais que descenden da montaña, aflorando á superficie; xunto ao afloramento, existe un conxunto escultórico dedicado ao “Deus Breogán”, feito por Magín Picallo e Manuel Mallo en 1969, foi elixida pola simboloxía que representa un lugar emblemático, Fonmiñá, amplo humidal cunha gran carga simbólica.

Desde a CHMS apostamos pola educación ambiental e tambien por actuacións que valoricen o patrimonio ambiental e paisaxístico da demarcación e que conviden a vivir para os ríos, sendo conscientes de que o coñecemento é a clave para o respecto e coidado dos recursos naturais que constitúen a mellor herdanza de futuro” concluíu Quiroga.

Relacionadas

Excarceración dunha persoa que quedou atrapada no seu vehículo na autovía A-8 ao seu...

0
Os bombeiros de Parque Comarcal de As Pontes foron requeridos na tarde de hoxe, luns 26 de maio, para participar na excarceración dunha persoa...

A Xunta realiza labores de conservación e mantemento no Rego de Bravos, ao seu...

0
As tarefas céntranse nun treito de preto de 2,5 quilómetros e inclúen a roza puntual de arbustos e a retirada de árbores e biomasa...

A Xunta inicia a vindeira semana traballos de limpeza nas marxes da estrada autonómica...

0
― Tamén continuarán as intervencións en marcha en distintas estradas das provincias de Lugo, de Ourense e de Pontevedr ― Estas tarefas forman parte do...

Fillas de Cassandra actuará na VII Festa da Torta de Millo de Guitiriz

0
• O coñecido dúo galego, formado polas viguesas María Pérez e Sara Faro, estará o 2 de xuño no Campo da Feira. • Nos próximos...

A Xunta aposta pola mellora paisaxística da Ribeira Sacra co acondicionamento do miradoiro de...

0
Ángeles Vázquez incide no obxectivo de dotar a veciñanza e visitantes dun espazo desde o que desfrutar dos excepcionais valores estéticos da paisaxe da...

A Xunta completa a renovación das instalacións do Centro de Recuperación de Fauna Silvestre...

0
— Ángeles Vázquez explica que as actuacións rematan esta semana e permiten dar un paso máis na conservación e recuperación das especies de fauna...

Publicacións Relacionadas