O Concello activa este plan alternativo á vista das previsións de intensas chuvias para mañá á tarde
A finalidade do cambio é acadar as mellores condicións de participación da comitiva de animación, formada por unhas 200 persoas, que estarán así resgardados da chuvia durante os preparativos
A Cabalgata de Reis de Ourense de mañá, domingo, día 5 de xaneiro, sairá finalmente desde o Pavillón dos Remedios ás 18.00 horas, e avanzará polas rúas Progreso, Alameda (18.45 h) e Praza Maior, onde terá lugar a recepción real sobre as 19.30 h.
Á vista das últimas previsions climatolóxicas, que prevén intensas chuvias para mañá pola tarde, o Concello activa este plan alternativo, coa finalidade de garantir as mellores condicións posibles para o desenvolvemento da actividade, especialmente para a ampla comitiva de animación, formada por máis de 200 persoas, que acompañarán os Reis no seu itinerario pola cidade.
A saída desde o Pavillón evita a longa espera nos preparativos baixo a previsible chuvia antes do inicio da ruta, de xeito que todos os participantes estarán resgardados na instalación municipal. Tamén evita o paso por unha zona que xa non teria publico como é a Ponte do Milenio e deixa aberta a posibilidade de axustar uns minutos a saída se as condicións climatoloxicas o fan recomendable.
