O goberno provincial, a través do Inorde, divulga durante a fin de semana a Vía da Prata, os xeodestinos Terra de Celanova-Serra do Xurés e Valdeorras e os ecobarcos, entre outras iniciativas
Trátase da feira de ecoturismo e produtos ecolóxicos de Galicia
A Deputación de Ourense, a través do Instituto Ourensán de Desenvolvemento Económico (Inorde) e en colaboración coa Axencia de Turismo de Galicia, participa esta fin de semana en Biocultura, a feira de ecoturismo e produtos ecolóxicos, que se celebra en EXPOCoruña.
O expositor provincial informará e divulgará propostas de turismo ecosostible, entre as que destacan a Vía da Prata, os xeodestinos ourensáns Terra de Celanova-Serra do Xurés e Valdeorras e os ecobarcos do Ribeiro e o Xurés.
