A Comisión de Pleno do Concello de Ourense ditaminou favorablemente, en sesión extraordinaria celebrada esta mañá, dous expedientes que o goberno municipal presentará a aprobación dor parte do Pleno nunha sesión extraordinaria que terá lugar o vindeiro martes, 18 de xuño, ás 8.30 horas. Trátase do convenio de colaboración entre o Concello de Ourense e o Consorcio Galego de Igualdade e Benestar para desenvolver o programa “Xantar na Casa” e da proposta de levantamento do reparo formulado pola Intervención relativo á aprobación do expediente de contratación, mediante procedemento aberto, da subministración e instalación en réxime de alugueiro de elementos decorativos do alumeado de Nadal do Concello de Ourense 2024-2025.
As dúas propostas de acordo pasan a pleno cos votos favorables do goberno municipal de Democracia Ourensana e a abstención por parte dos grupos de PP, PSdeG-PSOE e BNG .