Cinco colexios da cidade recitaron e musicalizaron poemas da autora galega
O salón de plenos do Concello de Ourense serviu esta mañá de escenario, un ano máis, para a conmemoración do “Día de Rosalía”. Alumnos e alumnas dos últimos cursos de Educación Primaria e da ESO dos centros escolares Carmelitas, Franciscanas, Purísima, Salesianos e Josefinas, acompañados polo seu profesorado, recitaron e musicalizaron poemas da autora galega. Esta celebración homenaxea o aniversario do nacemento da literata en 1837, unha data clave no calendario cultural de Galicia.
